Joven ida ne'ebé mate fatin tanba deskunfia haksoit husi andár leten UNPAZ nian iha akontesimentu trajédia UNPAZ, domingu madrugada (21/06/2020). Imajen/Foti husi Facebook

DILI, 23 juñu 2020 (TATOLI)-Reitór Universidade da Paz (UNPAZ), Adolmando Amaral, hateten kazu insidente ne’ebé maka akontese foinlalais iha UNPAZ hodi rezulta vitima Hendrique Maia Soares mate fatin la afeta ba prosesu aprendizajen estudante sira nian.

Daudaun  ne’e estudante husi semester I-IV kontinua partisipa prosesu aprendizajen hanesan baibain, maibé  UNPAZ hapara provizóriu  atividade estajiu ba estudante finalista sira.

Notísia Relevante:Konfrontu UNPAZ, Família Matebian Hendrique Husu Prosesa Tuir Lei

“Ami hapara atividade estájiu ba estudante Universidade da Paz  durante oras 72 ka loron tolu ne’e tanba ami-nia estudante na’in 16 oras ne’e detein hela iha sela Polisia  Caicoli,”informa Reitór Adolmando Amaral durante konferénsia imprensa iha Kampus UNPAZ, Ai-Mutin Dili, ohin.

Notísia Relevante:Konfrontu Iha UNPAZ, Na’in-Ida Mate Fatin

Tuir planu loron hirak ba oin UNPAZ sei re-ativa programa estajiu ba estudante sira tanba eskola ne’e hetan ona apoiu seguransa  husi Unidade Batallaun Ordem Públiku (BOP), Polisia Nasionál Timor-Leste (PNTL).

Notísia Relevante:Estudante UNPAZ Na’in 14 Detein iha Sela Polisia

“Ami hetan ona apoiu másimu husi BOP no Taskforce tanba koloka ona sira-nia postu ida iha ne’e signifika ami nia seguransa interna bele garante filafali prosesu aprendizajen ba estudante estajiáriu semester VIII sira atu filafali mai kampus,”esplika Magnífiku Reitór UNPAZ.

Maski atividade universidade nian la’o normal maibé iha estudante balun seidauk partisipa prosesu aprendizajen tanba sei trauma ho kazu refere.

Notísia Relevante:UNPAZ Prontu Apoiu haloot Mate-Isin  Hendrique

“Ami husu ba inanaman sira bele orienta sira-nia ona filafali mai tuir prosesu aprendizazjn iha UNPAZ atu sira labele lakon materia,”apela Adolmando.

Notísia Relevante:Ema Tuda Kanek Reitór UNPAZ

PNTL Munisípiu Dili estabelese  postu provizóriu ida iha UNPAZ  no koloka ona  membru BOP no Taskforce hodi asegura seguransa ba estudante sira.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here