Reitór UNPAZ eleitu, Adolmando Soares Amaral. Foto TATOLI/Tomé Amado

DILI, 22 juñu 2020 (TATOLI)-Magnífiku Reitór Universidade da Paz (UNPAZ), Adolmando Amaral hateten parte universidade prontu atu tulun família matebian Hendrique Maia Soares hodi haloot mate-isin matebian ninia tuir kultura Timor-Leste nian.

Reitór UNPAZ ne’e dehan meiu ne’e  la’ós dalan ida atu hamate justisa maibé Universidade sei submete ba kualker desijaun bainhira rejultadu autopsia fó sai.

“Ha’u horiseik loron tomak iha Polisia hodi akompaña prosesu investigasaun relasiona ho kazu joven ida mate iha área UNPAZ nian,”dehan Adolmando ba TATOLI, iha Ai-Mutin Comoro, segunda ne’e.

Notísia Relevante:UNPAZ Kontaktu Ona Família Matebian Hendrique

“Komunikasaun ha’u nian ho família matebian nian liuhusi telofene la’o nafatin, ami ko’alia kona-ba kooperasaun no oinsá atu hetan dalan hodi apoiu matebian ninia serimonia fúnebre,” nia reforsa.

Reitór UNPAZ ne’e mós hasoru malu ona ho inan-aman no família husi Matebian Hendrique nian para buka solusaun ba problema ne’ebé maka akontese.

Notísia Relevante:  Kazu UNPAZ, Polísia Hein Rezultadu Autópsia

“Ha’u hasoru malu ne’e kuaze hetan diskusaun kleur tebes tanba parte rua buka atu hatuur hanoin hanesan molok atu halo’ot matebian ninia isin mate,”nia esplika.

Ho rejultadu diskusaun ne’ebé iha, nia hateten  UNPAZ prontu atu fó apoiu bainhira família matebian presiza atu hetan tulun.

Notísia Relevante:Konfrontu UNPAZ, Família Matebian Hendrique Husu Prosesa Tuir Lei

Reitór UNPAZ mós husu ba família matebian atu kontinua pasensia hodi hein rejultadu autopsia ne’ebé maka ekipa forensik ho Ospitál Nasionál Guido Valadares Dili halo ba mate-isin matebian Hendrique.

“En prinsipiu ita bele dehan UNPAZ ho Família matebian laiha problema, maibe tanba de’it matebian mai mate iha areadór UNPAZ nian entaun Reitór tenki toma reponsalblidade ba kazu

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here