Administradór Postu Administrativu Iliomar, João Batista Ruas.

ILIOMÁR, 19 novembru 2019 (TATOLI)-Populasaun uma-kain 292 hosi aldeia neen iha Postu Administrativu Iliomár  to’o ohin loron seidauk asesu liña eletrisidade.

Aldeia neen ne’e  kompostu hosi Aldeia Larimi, Lalumatu, Akara, Lihina, Caentau ho Ara-ara.

Notísia Relevante : Covalima Falta Suku Tolu Ho Aldeia 18 Seidauk Asesu Ba Liña Eletrisidade

Xefe Aldeia Larimi, Tito Fernandes, hateten, família uma-kain 48 mak seidauk asesu liña eletrisidade komesa okupasaun Indonézia nian to’o ukun-aan, tanba ne’e, husu ba Governu da-ualu atu fó atensaun sériu ba situasaun ne’e.

“Ami presiza tebes eletrisidade atu fó naroman iha tempu kalan hanesan mós ho povu sira seluk iha munisípiu iha territóriu nasionál,” hateten Tito Fernandes, ohin, ba TATOLI iha salaun Administrasaun Postu Administrativu Iliomár, Munisípiu Lautem.

Notísia Relevante : Abitante 556 iha Suku Fatulia Ladauk Asesu Eletrisidade

Nia dehan, durante ne’e komunidade balun uza solár painél no balun sunu de’it lampu manuál uza mina-rai hodi difikulta tebes labarik estudante sira atu estuda iha tempu kalan.

Notísia Relevante : Suku Rua Iha Liquiçá Seidauk Asesu Eletrisidade

“Antes ne’e, Ami hetan apoiu solár painél balun hosi Governu maibé  komunidade  balun de’it mak hetan,” Autoridade lokál haktuir.

Notísia Relevante : Família 200 iha Suku Rairobo seidauk Asesu Eletrisidade

Hatán ba preokupasaun ne’e, Administradór Postu Administrativu  Iliomár, Munisípiu Lautén,  João Baptista Roas, hateten, Postu Administrativu ne’e iha Aldeia 25, iha Suku neen hanesan, Aliebere, Caenliu, Fuat, Iliomár-Ida, Iliomár-Rua, no Trilolo  ho  populasaun 10.976, maibé falta aldeia neen maka seidauk asesu eletrisidade.

Notísia Relevante : Suku Tolu iha Baucau Seidauk Asesu Eletrisidade

“Husi Aldeia 25 ne’e hela aldeia neen mak seidauk asesu eletrisidade,” hateten Administradór Postu Iliomár. Mezmu nune’e, Administradór ne’e garante Governu Sentrál sei responde problema ne’e iha futuru.

Notísia Relevante : Uma Kain 12.323 iha Cailaco Seidauk Asesu ba Eletrisidade

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here