BAUCAU, 03 agostu 2019 (TATOLI)-Komunidade suku tolu (3) iha Munisípiu Baucau to’o oras ne’e seidauk asesu eletrisidade.
Suku tolu ne’e kompostu hosi Suku Oso-Ala, Postu Administrativu Vemasse, ho Suku Maluro no Suku Leorai iha Postu Administrativu Quelicai.
“Ami to’o ohin seidauk asesu eletrisidade tanba ne’e husu ba governu atu tau atensaun, nune’e, ami mós bele sente naroman eletrisidade hanesan mós ho suku seluk iha Timor-Leste,” hateten João do Carmo, ba Ajénsia TATOLI iha Sentru Konvensaun Baucau, Sesta (02/08/2019).
Biban ne’e, Prezidente Autoridade Munisípiu Baucau, António Augusto Guterres, informa katak, ba tinan 2020 nia parte tau ona prioridade primeiru atu haree kompleta liña distribuisaun eletrisidade ba komunidade suku tolu ne’e.
Prioridade segundu, Prezidente Autoridade António Augusto Guterres, klarifika tan, konsentra ba estrada suku sira, nune’e fasilita komunidade sira asesu di’ak ba transporte atu lori sira nia produtu ba merkadu.
“Bee moos ho irrigasaun mós sai prioridade,” hateten António Augusto Guterres.
Jornalista : Nelson de Sousa
Editór : Francisco Simões
