Xefe suku Fuat, Martins Pinto, esplika kona-ba restu mortál ne'ebé haloot iha suku Fuad ba Sekretáriu Estadu Komunikasaun Sosiál, Merício Juvinal dos Reis, no komitiva, kinta (01/07). Imajen TATOLI/Natalino Belo

DILI, 01 dezembru 2021 (TATOLI)—Ministru Asuntu Kombatente Libertasaun Nasional (MAKLN), Julio Sarmento da Costa ‘Meta Malik’, hateten bainhira atu haloot restu mortál sira ne’ebé oras ne’e rai hela iha osoáriu sira ne’e, presiza hadi’a jardim dos herois da patria sira Timor-Leste.

Notísia Relevante: Governu sei responsabiliza haloot restu mortál iha munisípiu

“Haloot restu mortál nia prosesu la’o hela. Agora ita atu haloot restu mortál ne’e tenke presiza hadi’a jardim herois da patria. Iha OJE 2021 Governu aloka millaun $4 ba asuntu ida-ne’e maibé tanba impedementu hosi pandemia COVID-19, entaun prosesu ne’e la’o tarde. Tanba ne’e mak konkursu foin loke iha fulan outubru liubá. Nune’e, agora konstrusaun balun foin atinje 25%, ne’ebé la fasil atu dehan katak rekolla restu mortál depois ba hakoi. Se ba hakoi, hakoi iha jardin, entaun jardin tenke iha kondisaun,” Meta Malik hateten ba Agência Tatoli, iha Parlamentu Nasionál, Dili, kuarta ne’e.

Nia informa, restu mortál ne’ebé iha territóriu nasionál hamutuk rihun 14-resin, tanba ne’e presiza halo planu didi’ak atu bele halo konstrusaun ba jardin dos herois atu bele hakoi restu mortál hirak ne’e ho dignu.

Notísia Relevante: L-7 hakarak restu mortál 450 iha Laga tenke iha monumentu

“Tanba ne’e, orsamentu la’o nafatin ho volume ne’ebé iha. Tanba millaun haat (4) ne’ebé iha kapitál dezenvolvimentu atu halo konstrusaun ba situasaun ne’e la konsege, tanba ho pandemia, sesta bázika, inklui dezastre naturál ne’ebé akontese, entaun orsamentu ne’e atribui tiha metade ba ne’ebá. Tanba ne’e, iha orsamentu 2022 ami hetan fali tán millaun $2,3 atu bele kontinua, tanba ami laiha planu foun no aminia planu mak kontinuasaun,” nia esplika.

Konabá fatin atu haloot restu mortál, nia hatán, fatin jardín herois iha Timor laran iha hotu ona, maibé presiza orsamentu atu bele prepara jardín herois atu sai di’ak, inklui prepara kampas atu nune’e bele hakoi, tanba ne’e mak foin tama iha faze konstrusaun.

Notísia Relevante: PN husu Governu aselera prosesu rekolla restu mortál

Autoridade lokál-família suku Fuat esforsu haloot restu mortál hamutuk 223

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here