Vitíma nu'udar Estudante Universidade da Paz (UNPAZ), Alfredo Miranda Alves, ne'ebé ema deskoñesidu sona, seugnda horseik. Imajen/Tome Amado.

DILI, 03 agostu 2020 (TATOLI)-Ema deskoiñesidu na’in rua, iha segunda ne’e uza motor hodi sona na’ok estudante Universidade da Paz (UNPAZ), Alfredo Miranda Alves, iha parte kaba’as parte liman karuk iha areadór universidade nian.

Kazu ne’e akontese purvolta tuku 11:00 Otl; bainhira vitima husi Fakuldade Saúde Púbilku, turma B, semester IV ne’e tuur hela iha motor leten hodi halimar ninia telefone.

Notísia Relevante :Konfrontu Iha UNPAZ, Na’in-Ida Mate Fatin

Tuir kronolojia ne’ebé konta tuir husi Magnífiku Reitór UNPAZ, Adolmando Amaral, katak ema deskoiñesidu na’in rua ne’e ho motor tama iha área universidade nian hodi sona vitima, depois sira halai lakon.

Notísia Relevante :Ema Tuda Kanek Reitór UNPAZ

“Ita nia estudante ne’e tuur hela iha motor leten halimar hela telefone, derepente ema deskoñesidu na’in rua ne’e tama ho motor mai área kampus nian la hatudu sinal ida ne’ebé bele diskonfia, maibé derepente sona ita-nia estudante ne’e ho tudik modo, depois sira halai liu,” nia esplika ba jornalista sira iha UNPAZ Dili.

Notísia Relevante :Kazu UNPAZ, Tribunál Aplika Aprezentasaun Periódika Ba Arguidu 16

Hafoin akontesimentu ne’e, estudante sira evakua kedas vitima bá Ospitál Nasionál Guido Valadares (HNGV-sigla portugés)hodi hetan tratamentu saúde husi médiku sira.

Entretantu, husi parte PNTL halo ona prosesu investigasaun hodi buka tuir suspeitu na’in rua ne’e para hatene loloos motivu husi kazu refere.

Notísia Relevante :UNPAZ “Seidauk iha Paz”, Polísia Monta Seguransa

Alende ne’e, Unidade Batallaun Ordem Públika (BOP) ne’ebé antes ne’e destaka iha UNPAZ kontinua asegura seguransa ba estudante no dosente sira.

Jornalista : Tomé Amado

Editór       : Agapito dos Santos 

HAKEREK NO HATÁN

Please enter your comment!
Please enter your name here