Embaixadora Estadu Unidu Amérika (EUA) ba Timor-Leste, Kathleen M. Fitzpatrick. Imajen António Goncalves

DILI, 28 jullu 2020 (TATOLI)-Estadus Unidus Amérika iha Timor-Leste ho UNICEF, tersa ne’e entrega ekipamentu prevensaun COVID-19 ba Sentru Saúde Comoro Dili hamutuk item 15.

Fasilidades ne’e entrega husi Embaixadór EUA, Katlhen Fitzpatrick no Reprezentante UNICEF iha TL, Valérie Taton ne’ebé simu husi Diretóra Saúde Munisípiu Dili, Agostinha Segurado no Prezidente Autoridade Munisípiu Dili,Gaspar Soares, no Responsavél Sentru Saúde Comoro, iha Sentru Saúde Comoro.

Notísia Relevante :UNICEF Apoiu Fasilidade Prevensaun COVID-19 ba EESJ 10 Dezembru

Item 15 ne’e maka hanesan hand sanitizer 12, Liquid hand soap 120, tisu hariis fatin 300, liquidu hamoos vidru 30, waste plastic bag medium 30, waste plastic bag large 18, heavy duty gloves hamutuk 20, Rubber boots sanulu, plastic buchet lima, Rubbish bin small tolu, garbage bin with two wheels rua, buckhet mop  lima, no seluk tan.

Notísia Relevante :UNICEF-UE Apoiu Ekipamentu COVID-19 ba Governu

Embaixadóra EUA, Katlhen Fitzpatrick, hateten Estadus Unidus Amérika fó ona doasaun osan hamutuk $ 1.7 ba Timor-Leste hodi prevene COVID-19.

”Ami-nia parseira ho UNICEF ajuda haforsa prevensaun infensaun no kontrolu iha fasilidade saúde sira no projeitu ne’e sei asegura katak pesoál saúde,  pasiente no vizitante sira bele maneja virus ne’e no mikrobiu sira seluk liuhusi fase liman beibeik,” dehan  Katlhen Fitzpatrick.

Notísia Relevante :EUA Apoiu Máskara ba MEJD

Diplomata ne’e kongratula Governu Timor-Leste liuhosi Ministériu Saúde tanba servisu maka’as konsege halo prevensaun ba moras pandemia globál surtu COVID-19.

Aleinde ne’e kongratula mós profisionál saúde sira iha TL tanba fó ona dedikasaun hodi kombate moras coronavirus.

Notísia Relevante :EUA Apoiu Ekipamentu Prevensaun COVID-19 ba CIGC

Maski livre ona maibé Nia kontinua husu ba Timoroan atu kontinua halo prevensaun no pratika ijiéne liuhusi fase liman bebeik, mantein distansia sosiál, fiziku, uza máskara no seluk tan.

Iha fatin hanesan Reprezentante UNICEF, Valérie Taton, hateten TL presiza atensaun nafatin halo prevensaun tanba moras globál ne’e sei kontinua rejista maka’as iha nasaun Indonézia no seluk tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here