Xefe Sentru Saúde Komunitária Bekora (SSKB), postu administrativu Kristu Rei, Adelina Pinto. Imajen Egas Cristovão

DILI, 03 jullu 2020 (TATOLI)-Tuir relatóriu trimestrál husi Sentru Saúde Becora katak durante fulan abríl to’o juñu ne’e rejista ona pasiente ho moras infesun vias respiratóriu 7.325 mak halo tratamentu saúde iha fatin ne’ebá.

Xefe Sentru Saúde Becora, Adelina Pinto, informa pasiente ISPA iha fulan-abríl hamutuk 3.773, maiu totál 1.359 no iha fulan-juñu 2.193, moras ne’e maioria domina ba labarik no ema boot.

Notísia Relevante :Maiu, Sentru Saúde Formoza  Rejista Pasiente ISPA 969

”Kazu ISPA mak maka’as iha Sentru Saúde Becora nian tanba ami-nia área Becora ne’e ita hotu hatene komunidade sira-nia hela fatin ne’e bee moos menus halo rai rahun maka’as,” dehan nia iha Becora, kinta ne’e.

Notísia Relevante :Sentru Saúde Becora Rejísta Pasiente ISPA Hamutuk 1584

Moras infesaun vias respiratóriu ne’e mosu tanba kauza husi impaktu mudansa klimátika tempu udan ba ona bailoron, no ambiente fo’er hodi provoka rai-rahun maka’as.

Atu prevene komunidade  husi ISPA maka nia parte kontinua hala’o promosaun saúde ba populasaun sira iha área Becora no Cristo Rei.

Notísia Relevante :ISPA, Diarea ho Moras Kulit Rejista Ás iha Ospitál Viqueque

”Moras ispa ne’e nia tratamentu mak hanesan ami fó ai-moruk tuir moras ne’ebé mak iha hanesan mear, no inus metin,”tenik Adelina.

Sentru Saúde ne’ebé  nia lidera sei iha estoke ai-moruk sufisiente atu halo tratamentu ba pasiente ISPA no moras sira seluk tan.

Notísia Relevante :Númeru Moras Ispa no Kulit Aas iha Uatucarbau

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here