Ilustrasaun kona-ba Infesaun vias respiratória ho pneumonia

DILI, 24 fevereiru 2020 (TATOLI)-Sentru Saúde Becora, Munisípiu Dili, durante fulan-janeiru 2020 rejísta pasiente infesaun viás respiratóriu ka ISPA hamutuk na’in 1584, diárea 585, asidente tráfego hamutuk pasiente 68 no moras sira seluk tan.

Xefe Interinu Sentru Saúde Becora, Mateus de Jesus, informa kazu ISPA ne’e mosu relasiona ho problema mudansa klimátika.

Notísia Relevante :ISPA, Diarea ho Moras Kulit Rejista Ás iha Ospitál Viqueque

“Moras infesaun viás respiratóriu hamutuk 1584 tanba depois udan monu rai ita-nia luron sira ne’e rai rahun nakonu depois transporte públiku halo movimentu entaun hamosu ISPA,”informa Mateus de Jesus ba Agência TATOLI, iha ninia serbisu fatin Becora Dili, ohin.

Notísia Relevante :Númeru Moras Ispa no Kulit Aas iha Uatucarbau

Alende ne’e, Sentru Saúde Becora rejísta mós kazu mánutrisaun ba labarik ki’ik hamutuk 39.“Mánutrisaun ne’e labarik sira hetan ne’e ho moderadu maibé ami halo tratamentu de’it ba sira to’o di’ak, ami fó vitamina no batar-út ba labarik,”tenik tan.

Notísia Relevante :Prizioneiru 180 Sofre Moras Ispa Kauza Fatin Kloot

Dadaun ne’e Sentru Saúde Becora sei iha estok aimoruk sufisiente hodi fó tratamentu ba pasiente sira.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here