Diretór Jerál Planu no Parseria, Ministériu Edukasaun Juventude no Desportu (MEJD), Antoninho Pires. Imajen/Tatoli

DILI, 02 marsu 2020 (TATOLI)-Ministériu Edukasaun Juventude no Desportu (MEJD) tuir planu durante fulan-marsu 2020 ne’e sei distribui tan kaderneta eskolár foun hamutuk 300.000 ba Eskola Ensiñu Báziku no Ensiñu Sekundáriu iha territóriu Timor-Leste.

Diretór Jerál Asuntu Polítika Planeamentu no Kooperasaun, Ministériu Edukasaun Juventude no Desportu, Antoninho Pires, hateten forñesimentu kaderneta eskolár ne’e hodi responde nesesidades eskola públika sira tanba barak seidauk iha kaderneta.

MEJD iha fulan-janeiru 2020 liuba distribui ona kaderneta ba eskola publika sira hamutuk rihun 100.

Notísia Relevante :2017 To’o Agora, ESG-10 Dezembru La Asesu Kaderneta Eskolár

Ida ne’e la’os de’it ba ensinu báziku maibé ba mós ensinu sekundáriu sira, tanba durante ne’e estudante sira husi desimu to’o desimu segundu mós seidauk iha kaderneta eskolár ho nune’e maka Ministériu prodús ho montante ida bo’ot atu bele distribui dala ida de’it,”dehan Antoninho Pires, ba Agência TATOLI, iha Banku Sentrál Dili, segunda (02/03/2020).

Notísia Relevante :ESTV-EEC La Asesu Kaderneta Eskolár Durante Tinan Tolu

Nia dehan distribuisaun kaderneta eskolár foun etapa daruak ne’e sei halo ba eskola públika hamutuk 1,800 iha territóriu Timor-Leste. Tanba faze dahuluk nian hala’o ona iha fulan-janeiru 2020 hamutuk kaderneta 100.000.

Notísia Relevante :MEJD Distribui Ona Kaderneta Eskolár Rihun 100

“Kaderneta eskolár 100,000 ne’e estoke tinan kotuk nian ne’ebé asegura hela iha armajen ministériu nian tanba ita foin mak fahe iha fulan-janeiro liubá ne’e,”nia realsa.

Notísia Relevante :Eskola EBES Balun Iha Ermera Seidauk Iha Kaderneta Eskolár

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here