Diretór Ezekutivu ANAAA, Edmundo da Silva Viegas. Foto: UNILAB

DILI,24 fevereiru 2020 (TATOLI)-Ajénsia Nasionál Avaliasaun Akreditasaun Akadémika (ANAAA) iha tinan 2019 liubá fó tan akreditasaun ba Institutu Ensinu SuperiÓr Tolu hanesan Filozofia São Francisco de Sales, Institutu Superiór Filozofia Teolojia no Institutu Siénsia da Saúde (ICS).

Diretór Ezekutivu ANAAA, Edmundo Viegas, hateten nia parte akredita Instituisaun tolu ne’e tanba prienxe ona padraun 10 ne’ebé rekomenda antes ne’e hosi Ajénsia Nasionál Avaliasaun Akreditasaun Akadémika.

Notísia Relevante :ANAAA Prepara Ona Relatóriu Avaliasaun Ensinu Superiór Tolu

Intermus kursu ba Institutu tolu ne’e ita seidauk haree agora ita foin mak tama ba nivél Instituisaun. Ida ne’e mak ita fo ona akreditasaun,”dehan Edmundo Viegas ba Agência TATOLI, iha ninia servisu fatin, segunda (24/02/2020).

Nia hateten ANAAA iha obrigasaun atu halo avaliasaun ba prosesu aprendijazen no preparasaun hosi Institutu Ensinu Superiór  ida-idak hodi hetan akreditasaun.

Notísia Relevante :Departamentu Tolu Iha UNITAL Simu Sansaun Husi ANAAA

“Ne’e duni ita haree Institutu tolu ne’e bele ona entaun akredita sira. Agora ba futuru sira atu prepara aan liután atu nune’e kursu ne’ebé ejiste bele hetan mós avaliasaun,”tenik tan.

Notísia Relevante :UNTL Sei Aprezenta Kursu Haat ba ANAAA

Edmundo hatutan Institutu Politékniku Betano (IPB)no Institutu São João Brito maka dadauk ne’e seidauk hetan avaliasaun hosi ANAAA.

“Sira ne’e mós ita konsidera hetan akreditasaun Institusional tanba iha lisensa hodi kompleta sirklu formasaun ida hahú husi simu estudante foun to’o remata,”tenik tan.

Notísia Relevante :ANAAA Hein Pedidu Avaliasaun Hosi UNTL

Tuir relatóriu ANAAA oras ne’e Institutu Ensinu Superiór 14 maka hetan ona akreditasaun institusionál no falta de’it rua maka sei iha prosesu avaliasaun.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here