Logo UNTL.

DILI, 17 fevereiru 2020 (TATOLI)-Gabinete Pro Reitór ba Asuntu Garantia Kualidade, Universidade Nasionál Timor Lorosa’e (UNTL) iha tempu badak sei finaliza relatóriu ba kursu haat hodi aprezenta ba Reitór no kontinua entrega ba Ajénsia Nasionál Avaliasaun Akreditasaun Akadémiku (ANAAA) atu halo avaliasaun.

Pro Reitór UNTL, Marcos António Amaral, hateten kursu haat ne’e maka Fakuldade Edukasaun  hosi kursu lian Tetum, Fakuldade Siénsia Sosiaís mak kursu Komunikasaun Sosiál, Relasaun Internasional no Fakuldade Medisina Siénsia Saúde mak Kursu Farmásia.

“Ami prepara hela komunikasaun efetivu atu halo desiminasaun ho Fakuldade sira ne’e hodi prienxe ona sira-nia relatóriu  avaliasaun atu nune’e, tempu besik ita sei aprezenta ba ANAAA hodi estuda,”katak Marcos António Amaral,ba Agência TATOLI,iha ninia servisu fatin ohin.

Kursu haat  ne’e persiza  hetan avaliasaun hosi ANAAA tanba prodús ona lisensiatura barak.

Entretantu, Departementu lian Tetum iha UNTL estabelese ona iha tinan 2014 no departementu tolu seluk ne’e estabelese kleur ona.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here