Diretór Ezekutivu ANAAA, Edmundo da Silva Viegas. Foto: UNILAB

DILI, 24 fevereiru 2020 (TATOLI)-Ajénsia Nasionál Avaliasaun Akreditasaun Akadémika (ANAAA) dadaun ne’e hein hela pedidu hosi Universidade Nasionál Timor Lorosa’e (UNTL) atu halo re-avaliasaun ba Departementu Desportu hodi hetan ona akreditasaun.

Iha tinan 2018 liubá ANAAA halo ona avaliasaun dahuluk ba Departementu Desportu UNTL, maibé parte universidade la konsege prienxe padraun hitu hosi 10 ANAAA nian hodi prienxe de’it padraun tolu tanba ne’e maka la-konsege hetan akreditasaun.

Notísia Relevante :Departementu Desportu UNTL Kontinua Esforsu hodi Hetan Akreditasaun

“Prosesu atu halo fali re-avaliasaun ka re-akreditasaun ba kursu Edukasaun Desportu UNTL minimál molok tinan rua sira tenke hatama ona pedidu. Na realidade tinan rua liu ona UNTL seidauk aprezenta pedidu mai ANAAA hodi husu Prosesu Re-avalaisaun,” dehan Diretór Ezekutivu ANAAA, Edmundu Viegas ba TATOLI, iha ninia servisu fatin Matadouru, segunda (24/02/2020).

Notísia Relevante :Akademista Konsidera Dezenvolvimentu Desportu Timor-Leste Komesa La’o Di’ak

Atu hetan akreditasaun , Institutu Ensinu Superiór Sira tenke kumpre padraun 10 no indikadór 108. Padraun 10 nee hanesan reforsa rekursu umanu, ekipamentu, resultadu aprendijazen, espesífikasaun programa estudu no seluk tan.

“Se sira lahalo pedidu atu halo re-avaliasaun fila-fali entaun sira mak lakon oportunidade tanba labele simu estudante foun no labele halo graduasaun ba ninia estudante sira,”esplika Diretór ne’e.

Notísia Relevante :SEJD iha Kompromisu Apoiu Departamentu Desportu UNTL

Nia informa to’o oras ne’e hosi parte ANAAA seidauk simu fali resultadu rekomendasaun ne’ebé antes ne’e rekomenda ona ba UNTL iha 2018 hodi hetan akreditasaun.

Jornalista : Tomé Amado

 Editór     : Agapito dos Santos

HAKEREK NO HATÁN

Please enter your comment!
Please enter your name here