Vise Prezidente Komisaun Organizadora Rekrutamentu F-FDTL, Nuno de Carvalho dos Santos. Imajen/Eugénio Pereira

DILI, 03 fevereiru 2020 (TATOLI)-Aplikante Timoroan Feto ho Mane hamutuk 11.000 maka  dadaun ne’e hatama ona formuláriu kompleta ho dokumentu seluk hodi konkore ba vaga rekrutamentu FALINTIL-FDTL nian atu sai membru foun hamutuk ema na’in 600 iha tinan 2020.

Vise Prezidente Komisaun Organizadora Rekrutamentu F-FDTL, Nuno de Carvalho dos Santos, hateten,  antes ne’e komisaun rekrutamentu kompostu hosi Ministériu Defeza, ho Komandu FALINTIL Forsa Defeza Timor-Leste (F-FDTL) rasik fahe ona formuláriu hamutuk rihun 21 iha territóriu Timor-Leste.

Notísia Relevante: Segunda, Komandu F-FDTL Loke Vaga ba Membru Foun 600

“Husi totál formuláriu rihun 21 ne’ebé ita fahe, no tuir dadus ne’ebé ami ba simu sura manuelamente iha aplikante rihun 11 maka hatama dokumentu, no númeru ida ne’e barak tebes ba ami para atu halo indentifikasaun ho rigór to’o fulan ida tan foin hotu,” dehan, Nuno de Carvalho dos Santos ba Agência TATOLI, iha ninia servisu fatin ohin.

Notísia Relevante: Ekipa Konjunta Rekolla Ona Formuláriu Vaga F-FDTL

Nia dehan tan, ekipa tékniku sira dadaun ne’e hatama ona lista aplikante sira ba sistéma database  to’o ona porsentu 50 antes halo selesaun ba dokumentu hirak ne’e baseia ba rekezitu hosi instituisaun nian.

Notísia Relevante: Rekrutamentu F-FDTL, Mantein Prioridade Veteranu Nia Oan

Nuno hatutan, hafoin halo selasaun ba dokumentu hotu-hotu ekipa sei entrega relatóriu ne’e ba governu hodi hein to’o prosesu promulgasaun OJE foun maka sei fó sai naran aplikante sira-nian ba públiku.

“Ita sei halo selesaun didi’ak ho koidadu husi totál formuláriu rihun 11 para hetan númeru 600 ne’e,” tenik nia.

Notísia Relevante: Rekruta F-FDTL Foun, Presiza iha Atensaun Sériu ba Teste Psikolojia

Tanba ne’e, nia parte husu ba aplikante joven feto ho mane Timoroan iha Territóriu atu kalma hodi akompaña prosesu selesaun to’o publikasaun naran kandidatu sira nian.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here