Diretor Sentru Formasaun Judisial, Antonino Gonçalves. Imajen/Dok. Tatoli

DILI, 29 novembru 2019 (TATOLI) – Diretór Sentru Formasaun Jurídika no Judisiáriu, Antonino Gonçalves, husu ba Komandu FALINTIL-Forsa Defeza Timor-Leste (F-FDTL) atu toma atensaun sériu iha prosesu rekrutamentu ba membru fun F-FDTL sira, liuliu kandidatu sira nia psikolojia no mentalidade.

Notísia Relevante : Falur ho Lere Buka Solusaun ba “Problema” Rekrutamentu F-FDTL 2020

Jurista Antonino Gonçalves hateten, tama forsa sei uza sasán kro’at Estadu nian no sai hanesan lutu ba nasaun. Tanba ne’e, presiza juventude ne’ebé saúde fíziku di’ak no psikolojia mós di’ak.

Ba Ajénsia TATOLI iha Sentru Formasaun Jurídika no Judisiáriu, Caicoli, Dili ohin,  Antonino Gonçalves, hateten, membru F-FDTL ho membru Polisia Nasional Timor-Leste (PNTL) iha autorizasaun lori kilat ho pistola, tanba ne’e, sira tenke iha mentalidade ida di’ak atu  la bele uza sala sasán kro’at Estadu nian ba interese pesoál.

“Ha’u hanoin atu sai forsa tenke liu teste rigorozu ida, tanba balun nervozu ten, no kuandu hasoru problema oi-oin sira bele tiru sivíl sira,” afirma Antonino Gonçalves.

Tuir nia observa katak, durante ne’e mosu krime entre indivíduu sira membru PNTL ho F-FDTL, inklui mós ho ema sivíl sira kontinua aas  kontinua.  Hirak ne’e hotu tanba membru PNTL ho F-FDTL barak mak temperamentu aas no mentalidade iha problema.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here