Vise Xefe Estadu Maiór Jenerál F-FDTL, Brigadeiru Jenerál Falur Rate Laek. Imajen/Antonio Gonçalves

DILI, 28 novembru 2019 (TATOLI)-Vise Xefe Estadu Maiór Jenerál FALINTIL-Forsa Defeza Timor-Leste (F-FDTL), Brigadeiru Jenerál  Falur Rate Laek, rekoñese akontese “problema” iha prosesu distribuisaun formuláriu ba rekrutamentu membru foun F-FDTL. Tanba ne’e, nia parte tuur hamutuk ona ho Xefe Estadu Maiór F-FDTL,  Majór Jenerál Lere Anan Timur, hodi fó solusaun ba infrasaun ne’e.

Notísia Relevante: Foti Formuláriu Vaga F-FDTL, Juventude Rihun “Invade” Sede Suku

Ba Jornalista sira iha resintu Parlamentu Nasionál, ohin, Falur Rate Laek, hateten, horiseik  nia  ho Xefe Estadu Maiór F-FDTL, Majór Jenerál Lere Anan Timur, tuur hamutuk ona    atu fó solusaun ba problema refere.

Notísia Relevante: Segunda, Komandu F-FDTL Loke Vaga ba Membru Foun 600

Komandu F-FDTL mós sei tuur hamutuk ho Ministru Defeza no Ministru Interiór Interinu, Filomeno Paixão de Jesus, hodi buka solusaun ba problema ne’ebé mosu tanba distribuisaun formuláriu ba kada suku 25 to’o 50, maibé joven rihun ba rihun maka entuziazmu atu prienxe formuláriu.

Notísia Relevante: Rekrutamentu F-FDTL, Mantein Prioridade Veteranu Nia Oan

Falur  hateten, komandu mós simu keixa barak hosi nasionál no munisípiu sira, maibé nia parte mós observa direta prosesu distribuisaun ne’e no mosu duni fallansu.

Notísia Relevante: Governu Aprova Rekrutamentu Soldadu F-FDTL Na’in-600 ba Tinan Oin

 “Keixa tama mai barak maibé ami dehan aguenta depois ami sei fó solusaun tanba ne’e distribuisaun formuláriu tenke la’o nafatin,” tenik Falur Rate Laek.

Jornalista : Agapito dos Santos

Editór       : Francisco Simões

HAKEREK NO HATÁN

Please enter your comment!
Please enter your name here