Ofisiaias FFDTL iha selebrasaun Aniversariu FALINTIL ba dala-44 iha Kuartél Jenerál F-FDTL,Fatuhada, Dili, 20 Agostu 2019. Imajen/TATOLI

DILI, 23 outubru 2019 (TATOLI) – Ministru Defeza no Seguransa, Filomeno da Paixão de Jesus, aprezenta Proposta Rezolusaun Governu hodi halo rekrutamentu ba soldadu FALINTIL- Forsa Defeza Timor-Leste (F-FDTL).

Ministru Estadu Prezidénsia Konsellu Ministru, Hermenegildo Augusto Cabral Pereira, informa diploma ne’e atu halo inkorpora timoroan feto no mane atu tama iha Klase Prasa F-FDTL ba tinan oin.

Notísia Relevante: F-FDTL Sei Rekruta Membru Foun 600

“Proposta ne’e iha rezolusaun, Ministru Defeza no Seguransa maka propoin ba Konsellu Ministru no esplika razaun hotu katak atu halo rekrutamentu soldadu na’in-600, feto ho mane hodi reforsa F-FDTL ninia militár sira tuir planu 2020”, tenik governante ne’e iha Palásiu Governu, kuarta ne’e.

Tuir polítika governu nian, rekrutamentu membru forsa foun ne’e atu kompleta númeru forsa F-FDTL ba 3600.

Notísia Relevante: Janeiru 2020, F-FDTL Rekruta Membru 600

Antes ne’e, Vise Xefe Estadu Maiór Jenerál F-FDTL, Brigadeiru Jenerál Falur Rate Laek, informa katak rekrutamentu sei hala’o iha janeiru 2020, ne’ebe sei fahe uluk formuláriu no iha selesaun sei hili de’it sira ne’ebé mak prenxe kritéria, sei avansa ba teste médiku hodi prepara ba treinamentu.

Jornalista: Julia Chatarina

Editór: Xisto Freitas

HAKEREK NO HATÁN

Please enter your comment!
Please enter your name here