DNSA Kontinua Halo Manutensaun ba Kanalizasaun Bee-Moos. Imajen/DNSA

DILI, 19 novembru 2019 (TATOLI)-Iha planu no programa ezekusaun servisu tinan 2020 nian, Servisu Água no Saneamentu (SAS) Munisípiu Dili liuhosi Diresaun Abastesimentu Água no Saneamentu, kontinua implementa planu  ba sistema hadi’a kanalizasaun bee-moos  iha área rurál no urbana iha Kapitál Dili.

Notísia Relevante : 2030, Konsumidór Bee Moos Atinje Porsentu 100

Xefe Departamentu Abastesimentu Água no Saneamentu, Francisco Xavier Pereira, ohin, ba  TATOLI hateten, iha tinan oin, ninia parte sei kontinua hadi’a kanu iha área rurál maka lokaliza iha  Metinaro no Postu Administrativu Ataúro. Enkuantu área urbana lokaliza iha Rotunda Comoro to’o Tasi-tolu Dili.

Notísia Relevante : Manutensaun Ba Kanu Tuan Iha Faze Aprovizionamentu

“Iha Tasi-tolu kompañia  sira halo alargamentu estrada, nune’e mós Ataúro no Metinaro, entaun ami mós tenke muda ona kanu hirak ne’e,  tanba kompañia sobu estrada afeta mós ba kanu distribuisaun bee-moos,”  hateten Francisco Xavier Pereira iha ninia servisu fatin, Caicoli, Dili.

Nia tenik, ho planu alargamentu estrada foun hosi área Rotunda to’o Tasi-tolu  afeta mós ba sistema kanalizasaun, tanba ne’e, presiza tau orsamentu hodi kontinua kria sistema foun atu fornesimentu  bee-moos ba komunidade labele paradu.

Notísia Relevante : Xefe Estadu Enkoraja Water Aid Kontinua Fornese Bee no Saneamentu ba Povu

Planu seluk ne’ebé SAS presiza atu kontinua iha tinan oin maka halo manutensaun ba kanu distribuisaun bee-moos ne’ebé hahú ona iha 2019 iha Dili, kria bee posu ba eskritóriu SAS, barrajen hodi satan bee mota iha Bidau.

Notísia Relevante : DNSA Kontinua Halo Manutensaun ba Kanalizasaun Bee Moos

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here