Xefe Departamentu Abastesimentu no Água, Francisco Xavier Pereira, halo observasaun ba tanki abastesimentu Bee Moos iha Hera. Imajen/DAA

DILI, 15 agostu 2019 (TATOLI)-Atu halo manutensaun ba kanu (pipa) tuan distribuisaun bee moos nian iha Dili laran, Departementu Abastesimentu no Água (DAA) hatama ona proposta ba Diresaun Nasionál Aprovizionamentu atu bele halo konkursu públiku (tender).  

Notísia Relevante : Comoro, Bebonuk ho Bairru Pité Seidauk Asesu Bee Moos ho Másimu

Xefe Departamentu Abastesimentu no Água, Francisco Xavier Pereira, informa, konsumedór sira bee moos nian iha Suku Comoro, Bairru Pité no Bebonuk, presiza duni troka kanu antigu tanba kanu hirak ne’e balun aat ona.

“Ami hatama tiha ona ba aprovizionamentu tanba servisu ida ne’e servisu ne’ebé mak boot liu entaun presiza orsamentu boot ne’ebé tenke halo pakote ida ka programa ida para tau ba planu anuál ne’ebé ami hatama hotu ona no hein bainhira mak halo tenderizasaun,” informa Francisco Xavier Pereira, ohin, iha nia servisu fatin, Dili.

Notísia Relevante : DNSA Kontinua Halo Manutensaun ba Kanalizasaun Bee Moos

Nia haklaken,  iha tinan rua liu ba sira halo ona manutensaun ba área balu parte Dili nian, maibé barak mós seidauk tanba hein bainhira mak fó sai no bainhira mak loke tenderizasaun ne’e.

“Ita halo manutensaun maibé nia kustu boot ba beibeik, maibé aat nafatin, entaun di’ak liu ita truka tiha tau fali foun atu nune’e diminui osan ba operasaun manutensaun nian,” hateten Francisco Xavier Pereira.

Jornalista : Osória A. Marques

Editór       : Francisco Simões

HAKEREK NO HATÁN

Please enter your comment!
Please enter your name here