DILI, 24 outubru 2019 (TATOLI)-Vítima inséndiu ne’ebé akontese iha foho Matebian nia hun iha Suku Abu, Postu Administrativu Quelicai, Munisípiu Baucau, aumenta ba beibeik.
“Akontesimentu inséndiu inísiu iha tersa (22/10/2019), ne’ebé halo ahi han mutuk uma lisan 13 to’o ohin , aumenta tan ona ba 18,” informa Sekretáriu Estadu Protesaun Sivíl (SEPS), Alexandrino Xavier de Araújo, hodi responde jornalista sira iha nia serbisu fatin, Caicoli, Dili.
Notísia Relevante : Ahi Han Uma Lisan 13 iha Matebian Hun
“Ami nia pontu fokál Protesaun Sivíl nian iha munisípiu komesa rekolla ona dadus no oferese apoiu emerjénsia ba vítima inséndiu la’o hela,” hateten Alexandrino Xavier de Araújo.
Apoia emerjénsia ne’ebé distribui ona mak hanesan foos, mina bimoli, supremie no nesesidade báziku seluk tan.
Notísia Relevante : Ahi Han Uma 200-resin no Ema Nain Tolu Kanek
Sekretáriu Estadu informa, ekipa primeiru sokorru hosi SEPS iha terrenu mak kondisaun estrada ne’ebé ladún iha viabilidade atu halo movimentu ho lalais.
Notísia Relevante : Inséndiu ho Anin Boot Estraga Uma 572 iha Munisípiu Haat
Notísia Relevante : Governu Alerta Labele Sunu Rai Arbiru
Sekretáriu Estadu Protesaun Sivíl, Alexandrino Xavier de Araújo, hatutan, kauza hosi inséndiu iha territóriu tanba komunidade sira maka sunu rai arbiru.
Notísia Relevante : Governu Alerta Atu Kuidadu Ho Inséndiu
Jornalista : Osória Marques
Editór : Francisco Simões
