Sekretáriu Estadu Protesaun Sivíl, Alexandrino Xavier Araújo. Imajen/Nelson de Sousa

DILI, 17 outubru 2019 (TATOLI)-Atu evita mosu inséndiu  ba ahi han rai, uma no plantasaun iha territóriu, Governu liu husi Sekretáriu Estadu Protesaun Sivíl (SEPS) husu ba komunidade atu la bele sunu rai arbiru.

Notísia Relevante : Inséndiu ho Anin Boot Estraga Uma 572 iha Munisípiu Haat

Sekretáriu Estadu Protesaun Sivíl, Alexandrino Xavier de Araújo, mós husu atu komunidade labele konstrui uma iha fatin risku dezastre hanesan mota ninin, tasi ninin ho foho lolon.

Tuir dekretu lei 33/2008 kona-ba orden públika, bandu komunidade harii uma iha área risku dezastre no mós diploma Ministeriál husi Ministériu Administrasaun Estatál númeru 08/2009 kona-ba ordenamentu territoriál.

Notísia Relevante : Governu Alerta Atu Kuidadu Ho Inséndiu

Sekretáriu Estadu,  Alexandrino Xavier de Araújo, ba Jornalista sira, ohin,  iha Salaun Ministériu Solidariedade Sosiál no Inkluzaun (MSSI), Caicoli, Dili, mensiona katak, bainhira SEPS kria ona baze legál ba protesaun sivíl nian maka sei fó sansaun ba komunidade ne’ebé kontra bandu hodi konstrui uma iha fatin protejida no risku dezastre naturaís.

Iha  outubru ne’e, kazu dezastre naturaís anin sobu uma komunidade no inséndiu ahi han uma no plantasaun komunidade hamutuk 700-resin ne’ebé akontese iha Munisípiu Aileu, Bobonaro, Ermera, Liquiça ho Viqueque.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here