MRLAP Kontinua halo konsultasaun públika lei kustumeiru no justisa tradisionál iha Munisípiu Aileu. Imajen/Nelson Sousa

AILEU, 24 setembru 2019 (TATOLI)-Autoridade lokál no lia na’in husi Munisípiu Aileu, konsidera lei justisa tradisionál no kostumeiru sei fó kbiit ba sira atu ajuda governu hodi rezolve problema ne’ebé la’ós krime públiku iha sosiedade nia leet.

Notísia Relevante:Autoridade Lolotoe Konsidera Lei Kostumeiru Bele Dezenvolve Setór Justisa

Administradór Munisípiu Aileu, João Tilman do Rego, hato’o opiniaun ne’e baihira partisipa konsultasaun públika  ba lei justisa tradisionál no kostumeiru ne’ebé organiza husi Ministériu Reforma Lejizlativa no Asuntu Parlamentár (MRLAP), ohin, iha Aileu.

Notísia Relevante:Bobonaro Orgullu ho Konsultasaun Lei Kostumeiru

“Bainhira lei ne’e formál ona oinsá fó kbiit liután  ba lider komunitária ho komunidade  atu bele halo entendimentu no mediasaun ba problema kiik ka simples ne’ebé akontese iha nivel  Suku no Aldeia sira ho  natureza la’ós krime públiku hanesan kazu  rai, animal lakon, kultura no seluk tan,” dehan João Tilman do Rego.

Iha fatin hanesan, Xefe  Suku Lausi, Adelaide de Carvalho, esplika durante ne’e sira uza lei tara bandu no nahe biti hodi rezolve problema ki’ik sira.

Notísia Relevante: Lisan Sira Covalima Nian ‘Organizadu’

Xefe Suku Seloi  Kraik, Postu Administrativu  Aileu,  Gabriel Mendonça, espera ho konsultasaun públiku bele konsidera kostume no lei justisa tradisionál ba justisa formál.

Notísia Relevante: Lia Na’in Ermera-Liquiça Apresia Ho Atividade MRLAP

Durante diskusaun autoridade lokál halo diskute mós prosesu tesi lia husi suku ida-idak, imparsialidade iha prosesu tesi lia, diretu umanu no lei kostumeiru, diretu labarik, joven no grupu vulneravel.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here