Konsultasaun Lei Konstumeiru no Justisa Tradisionál iha Munisípiu Kovalima, kuarta (4/9/2019). Dokumentasaun Tatoli/Domingos Piedade

COVALIMA, 05 setembru 2019 (TATOLI)-Ministériu Reforma Lejizlativa no asuntu Parlamentár (MRLAP) liu husi nia ekipa reforma lejizlativa nota katak, lisan sira iha Munisípiu Covalima ‘organizadu’ di’ak.

Notísia Relevante : Governu Halo Konsultasaun Públika Hodi Prepara Lei Kostumeiru

“Ha’u hanoin konsultasaun públiku lei kostumeiru no justisa tradisionál iha Munisípiu Covalima, ba étniku Tetun Terik, hetan hela estrutura sosiál ne’ebé mak organizadu hela tuir lisan sira mak eziste tiha ona,” hateten Avelino Coelho, jurista Timoroan ne’ebé hetan fiar husi MRLAP hodi hala’o konsultasaun públiku ba lei kostumeiru no justisa tradisionál ne’ebé hala’o iha Munisípiu Covalima, kuarta (04/09/2019).

Avelino Coelho esplika, aspetu barak mak  lisan sira iha Covalima, maske lisan sira ne’e horik ketak-ketak iha postu administrativu sira ne’ebé pertense ba area jurizdisaun Covalima, hanesan Zumbali, Suai, Fatumea, Fatuluik, Fohorem, Maukatar no Tilomar.

“Ha’u hanoin kontribui tebes atu haree took husi sira seluk iha Timor laran tomak, oinsá mak prosesu reforma lejizlativa bele haree valores jurídiku no lei sira ne’ebé mak tuir lisaun Timor nian,” Avelino Coelho esplika.

Prezidente Partidu Sosialista Timorense (PST) ne’e konfirma,  se di’ak modelu ka sistema iha suku laran tuir lisan timor nian ne’ebé mak sei bele adapta para dezenvolve reforma lejizlativa di’ak no reforma judisiária hodi aproveita valores hot-hotu.

Nia dehan, étniku Tetun Terik no Bunak ein jerál lisan laiha diferente ba malu no haree katak komunidade rua nee, sira mantein hela sira nia organizasaun sosiál no polítika bei ala sira nian.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here