Konsulta Públiku kona-ba Lei Kustumeiru ne'ebé hala'o husi MRLAP iha Bobonaro. Imajen/Domingos Piedade Freitas

BOBONARO, 27 agostu 2019 (TATOLI)-Lia na’in sira husi étniku Bunak, Bobonaro nian orgullu ho programa konsultasaun públiku husi Ministériu Reforma Lejizlativu no asuntu Parlamenteres atu hamoris no fó kbiit ba Lei Kostumeiru no tradisionais.

Notícia Relevante : MRLAP Hakarak Fó Kbi’it Lei Tradisionál

Iha konsultasaun públiku ne’ebé hala’o iha Maliana, Munisípiu Bobonaro, ohin, hetan partisipasaun másimu husi autoridade lokál, lia na’in sira husi Suku Holsa, Tapo-Memo no Saburai nu’udar maioria étniku Bunak.

Administradór  ein-ezersísiu Munisípiu Bobonaro, Egidio Loe Siga informa, nu’udar reprezenta Administradór Munisípiu Bobonaro, orgullu tebetebes ho programa MRLAP, liuliu kona ba lei kostumeiru no justisa tradisionál ba dalen Bunak nian.

“Husu ba lia na’in no autoridade sira atu ko’alia kostume lian Bunak nian ba iha ekipa MRLAP atu ajusta hodi bele mós sai lei formal ida,” hateten Egidio Loe Siga.

Nia husu, tenke konta ho lei kostume ho loloos no onestu atu  lalika fó konfuzaun ba iha ekipa MRLAP,  tanba kuandu konta laloos sei prejudika ba lei kostumeiru no justisa tradisionál bainhira sai ona lei formal.

Iha biban nee mós, nia parte husu deskulpa ba Sekretáriu Munisipál, MRLAP liu husi xefe gabinete tanba la marka prezensa husi autoridade suku Holsa no Saburai, razaun dook ka saida la dun hatene. Maibé, se espera katak Governu halo fila fali revizaun bele toma atensaun mos.

“Foin daudauk ha’u mensiona  total númeru partisipasaun hamutuk 70 maibé ohin ema uitoan de’it mak partisipa iha konsultasaun nee,” nia afirma ho triste.

Iha biban hanesan, Duarte B.M. Conçeição  nu’udar estadu konsellu do suku Tapo- Memo husi lian na’in husi suku Memo mós triste tanba tuir konvite hetan partisipasaun mós husi autoridade suku no lian na’in husi Suku Saburai no Holsa. Maibé to’o fin la konsege partisipa.

“Ha’u hanoin sira partisipa hotu karik buat hot-hotu bele apár malu di’ak liu tan liuliu kona ba lei kostumeiru no justisa,” nia hateten.

Iha diskusaun fó oportunidade liu ba iha juventude hanesan lia na’in, autoridade suku, xefe aldeia atu ko’alia kona ba lei kostumeiru no justisa tradisionál tuir dalen Bunak. Ezemplu, hanesan problema feto ho mane fó sala malu hodi feto gravida mak laliu husi dalan legal mak sei hetan sansaun  $5.000 ho karau rua.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here