Reprezentante SAEMAUL UNDONG iha Munisípiu Lospalos, Almerino dos Santos Freitas. Imajen Tatoli/Francisco Sony.

DILI, 09 juñu 2022 (TATOLI)—Xefe Saemaul Undong Aldeia Bauro, Almerino dos Santos, hateten implementasaun programa Saemaul Undong iha Lautém ne’e fó benefísiu ba povu iha área rurál tanba povu mak identifika sira-nia nesesidade hafoin Governu fó apoiu.

Notísia Relevante: Programa Saemoul Undong ne’ebé Korea finansia besik finaliza ona

“Iha prosesu implementsaun ne’e povu mak identifika nesesidade sira-nian depois mak halo diskusaun, halo kálkulu no to’o implementa programa refere. Tanba, ha’u haree katak povu hetan duni benefísiu hosi programa ne’e, tanba sira mak na’in ba programa ne’e,” Almerino hateten ba jornalista sira, hafoin partisipa konferénsia dahuluk, iha salaun Leline Lariguto, Dili, kinta ne’e.

Povu mak sai na’in ba programa ne’e tanba hosi inisiu Governu implementa programa Saemaul Undong ne’e mai kedas ho lema ‘hahú hosi povu, hamutuk ho povu no ba povu’, ne’ebé kada sentru komunitária iha aldeia lima iha Lautém ne’e hetan apoiu $20.000.

“Kada aldeia sei hetan osan rihun $20 atu implementa tuir nesesidade aldeia nian no bazea ba tema ‘hahú hosi povu hamutuk ho povu no ba povu’,” Almerino hateten.

Hafoin implementa tiha programa ne’e, nai dehan, Timor-Leste sai hanesan membru Saemaul Undong hamutuk ho membru seluk iha mundu ho Board Member.

Reprezentante SAEMAUL UNDONG Timor-Leste, Hilario Perreira. Imajen Tatoli/Francisco Sony.

Membru Saemaul Undong iha Lautém, Hilario Perreira, hateten bainhira implementa programa Saemaul Undong iha 2016, Saemaul Undong apoiu ona sentru konstrusaun komunitária, fornese bee-moos, saneamentu, no loke dalan ba iha aldeia sira iha Lautém.

Aleinde ne’e, nia informa, populasaun sira iha ne’ebá mós forma grupu hodi halo hortikultura, hakiak fahi, manu, karau, hakiak ikan-lele no mós kuda aidila.

Ho progresu hosi programa ne’e, membru Saemaul Undong mós halo monitorizasaun ba atiividade hotu-hotu ne’ebé mak hala’o ona, nune’e haree no observa katak iha duni sustentabilidade no sai hanesan referénsia ba povu sira.

Nune’e, Hilario Perreira rekomenda ba Governu atu apoiu grupu sira-ne’e hodi bele lori sira-nia produtu mai to’o nasionál.

Notísia Relevante: Governu sei implementa PMOHA iha Dili-Bobonaro-Ermera-Baucau-Ainaro

Programa “Movimentu Hafoun Aldeia” hakbiit ekonomia iha baze

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here