Vise-Ministru Administrasaun Estatál (MAE), Lino de Jesus Torezão. Imajen Tatoli/Francisco Sony.

DILI, 09 juñu 2022 (TATOLI)—Governu liuhosi Ministériu Administarsaun Estatál (MAE) sei implementa Programa Movimentu Hakbiit Aldeia (PMOHA) iha munisípiu Dili, Bobonaro, Ermera, Baucau no Ainaro, iha tinan 2022.

Notísia Relevante: MAE sei habelar Programa Saemaul Undong iha munisípiu inklui RAEOA

Vise Ministru Administarsaun Estatál, Lino de Jesus Torrezão, hateten tuir loloos implementa ona maibé tanba COVID-19 entaun tinan 2022 mak reativa fali programa ne’e.

“Tinan ne’e ita hahú implementa ona programa PMOHA iha territóriu nasionál,” Lino de Jesus Torrezão informa ba jornalista sira, hafoin halo konferénsia dahuluk, iha salaun Leline Lariguto, Dili, kinta ne’e.

Implementasaun PMOHA iha 2022 ne’e bazea ba dekretu-lei Nú. 23/2021 ne’ebé sai baze fundamentál atu aselera desenvolvimentu komunitária hodi hakbesik dezenvolvimentu ba komunidade, no haforsa sıra-nia papel atu sai na’in no autór prinsipál hodi halo transformasaun ba área ne’ebé sira rasik identifika no prioritiza tuir sira-nia potensia no rekursu aldeia ne’ebé sira rasik hatudu atu halo mudansa.

Tanba liuhosi PMOHA mak bele eduka povu atu labele iha dependénsia ba Governu maibé povu tenke sai na’in no iha akuntabilidade haktuir no referénsia hahú ona iha munisípiu Lautém.

Reprezentante Korea, Yoo Jihan, hateten liuhosi programa Saemoul Undong bele lori dezenvolvimentu no hadi’a povu nia moris.

“Atu lori prosperidade ba suku mak tenke kaer metin espíritu no tenke iha objetivu ne’ebé di’ak no sai prósperu liután iha futuru no liuhosi programa Saemoul Undong ba jerasaun futuru,” Yoo Jihan hateten.

Tanba, tuir nia, prinsípiu tolu (3) mak determina susesu ba programa Saemoul Undong mak hanesan badinas, esforsu an rasik no servisu hamutuk ho populasaun sira iha suku laran.

Programa Movimentu Hakbiit Aldeia (PMOHA) ne’e, Governu prevee osan hamutuk $110.000.

Entretantu, Xefe Saemoul Undong Aldeia Bauro, Almerino dos Santos, hateten Saemoul Undong ne’e sai hanesan povu nian tanba programa ne’e hosi povu ho povu no ba povu.

Nia hateten, programa ne’ebè komunidade implementa iha Munisipiu Lautém mak hanesan kuda ai-funan, haki’ak animál hanesan karau, bibi, manu no negósiu kiik sira iha suku Fuiloro iha Aldeia Chauluturo, suku Bauro iha aldeia Liurai no Bauro no suku Soru iha aldeia Caiwacha.

Notísia Relevante: Progresu programa Saemaul Undong atinje ona 50%

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here