Diretór Jerál Dezenvolvimentu Rurál Ministériu Administrasaun Estatál (MAE), Rosito Guterres. Imajen/Espesiál.

DILI, 27 maiu 2022 (TATOLI)–Diretór Jerál Dezenvolvimentu Rurál Ministériu Administrsaun Estatál (MAE), Rosito Guterres, hateten programa Saemoul Undong ne’ebé Governu Korea finansia besik finaliza ona.

Notísia Relevante: MAE sei habelar Programa Saemaul Undong iha munisípiu inklui RAEOA

“Pograma Saemoul Undong ne’ebé mak Governu Korea finansia iha aldeia haat ne’e besik finaliza ona tanba iha balun ne’ebé atu pinta ona no balun atu finaliza ona,” Diretór Jerál ne’e hateten ba Agência TATOLI, iha INAP, Comoro, Dili, sesta ne’e.

Programa Seamaul Undong ba aldeia haat iha Munisípiu Aileu no Ataúro ne’ebé hetan finansia hosi Korea ho montante rihun $20 ba kada aldeia ida.

Iha aldeia lima seluk, Governu Timor-Leste mak finansia maibé to’o agora seidauk hahú tanba sei hein diploma ministeriál mak foin bele halo atividade iha aldeia hirak ne’e.

Notísia Relevante: Kada tinan, Saemaul Undong aloka orsamentu $20 mill ba komunidade

Dekretu-lei ba Programa Movimentu Hafoun Aldeia (PMOHA) ne’e aprova ona iha novembru 2021 no novembru tinan ne’e mak foin promulga dekretu-lei ne’e, no bainhira halo atividade ruma tenke regula tan diploma ministeriál.

Tuir loloos, orsamentu 2021 prevee $110.000 hodi transfere ba aldeia lima ne’e maibé Dekretu ba PMOHA ne’e rasik foin hetan aprovasaun iha Konsellu Ministru iha fulan novembru, maibé loloos ne’e la’o dala ida ho aldeia haat ne’ebé Korea finansia ne’e maibé laiha dekretu ida hodi sai baze legál.

Antes ne’e, Programa Saemaul Undong implementa iha Timor-Leste hahú iha tinan 2016 bainhira Timor-Leste asina akordu bilaterál ho Governu Korea no hili munisípiu Lautém mak sai hanesan pilotu ba projetu ne’e.

Programa ne’ebé implementa iha atividade ba Saemaul Undong ne’e mak hanesan kuda ai-funan, kuda modo, haki’ak animál hanesan karau, fahi, manu no loke mós negósiu kiik sira.

Notísia Relevante: Governu TL agradese governu Korea Súl ba apoia Programa Saemaul Undong

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here