Iha delta Maria Rodrigues. Imajen/Espesiál.

DILI, 07 agustu 2020 (TATOLI)–Koodenadóra Saemaul Undong iha Timor-Leste hanesan timoroan ne’ebé hasa’e maestradu estudu ba área Saemaul Undong iha Korea Súl, Idelta Maria Rodrigues, hateten programa Saemaul Undong importante tebes ba povu  Timor-Leste tanba haree ba-nia konseptu katak halakon paradigma tuan ba paradigma foun.

Nia hatutan, Xefe Governu hakarak atu implementa programa ne’e tanba nia haree konseptu ida ne’e di’ak tebes ba Timor-Leste, tanba liuhosi programa ne’e bele muda povu nia moris no ninia konseptu ne’e mak atu halakon paradigma tuan ba paradigma foun. Kada tinan, Governu aloka orsamentu ba komunidade atu halo projetu ne’e kada tinan $20 mill.

“Programa Saemaul Undong importante ba Timor-Leste tanba ita hatene katak Primeiru-Ministru hakarak atu implementa programa ne’e. Tanba, ita haree katak konseptu ida-ne’e di’ak tebes ba Timor-Leste tanba liuhosi programa ne’e bele muda povu nia moris. Heree ba-nia konseptu ne’e katak halakon paradigma tuan ba paradigma foun, ne’ebé orsamentu ne’ebé ita aloka ba komunidade kada atu halo sira-nia projetu ne’e hamutuk 20 mil. Maibé, depende ba atividade ka projetu ne’ebé sira halo,” dehan Idelta Maria Rodrigues hafoin partisipa Konferénsia Nasionál Saemaul Undong iha Salaun Auditorium Ministériu Finansa, Aitarak-Laran, Dili, kinta ne’e.

Nia hatutan programa Saemaul Undong importante tebes tanba haree ba dizigualidade entre área urbana no rurál, saida maka presiza atu halo.

“Tanba modelu Korea Súl uluk ne’ebé moris hanesan ita ohin loron sai nasaun ida-ne’ebé dezenvolvidu entaun Timor-Leste mós ita presiza atu haree ona katak modelu ida-ne’e aplikavél. Nune’e maka hosi Primeiru-Ministru ho Ministériu Administrasaun Estatál koordena hamutuk ho Embaixadór Korea implementa iha ita-nia rain,” nia dehan.

Nia hateten, programa ne’ebé komunidade implementa iha Munisípiu Lautém mak hanesan Kuda Aifunan, haki’ak animál hanesan karau, bibi, manu no negósiu kiik sira.

Tuir nia, projetu ne’ebé sira halo iha Munisípiu Lautém tanba iha relasaun emosionál ne’ebé maka haree ba misaun pás no siguransa, uluk Korea Súl mai foufoun iha Timor-Leste ne’e sira konsentra uluk iha Lospalos. Entaun, ida-ne’e mak sira hili Lospalos nu’udár área dahuluk ba  projetu Saemaul Undong iha Timor-Leste.

Tuir planu, nia dehan, ba oin Embaixada Korea Súl sei hamutuk ho MAE sei halo desiminasaun ba iha 12 Munisípiu Inklui Rejiaun Adminstrativu Eepesiál Oé-Cusse Ambeno (RAEOA) atu halo promosaun programa ida-ne’e, no mós oinsá maka atu bele integra ba iha programa PNDS atu halo armonizasaun tanba Programa Saemaud Undong invetse iha Timor-Leste la’os atu kompete maibé atu kompleta malu,” nia dehan.

Jornalista  :  Osória Marques

Editór        : Cancio Ximenes

J

HAKEREK NO HATÁN

Please enter your comment!
Please enter your name here