Dieter Jerál Ministériu Solidaridade Sosiál no Inkluzaun (MSSI), Rui Manuel Gago Exposto.Imajen Tatoli/Osória Marques.

DILI, 04 maiu 2022 (TATOLI)—Diretór Jerál Ministériu Solidariedade Sosiál no Inkluzaun (MSSI), Rui Manuel Gago Exposto, hateten daudaun ne’e ekipa MSSI sei dezeña diploma ministeriál kojunta ba programa bolsa da mãe jerasaun foun.

Notísia Relevante: Governu sensibiliza programa “Bolsa da mãe jerasaun foun” ba xefe suku sira

“Agora daudaun ami-nia ekipa halo hela diskusaun hodi dezenvolve no dezeña diploma ministeriál kojunta ne’ebé mak sei asina hosi MSSI no Ministériu Saúde (MS) ba programa implementasaun bolsa da mãe jerasaun foun ne’e,” Rui Manuel Exposto hateten ba Agência TATOLI, via telefónika, kuarta ne’e.

Diploma ministeriál konjunta ne’e atu regula iha kestaun tékniku ne’ebé ekipa sei implementa iha munisípiu tolu hanesan Ainaro, Bobonaro no Rejiaun Administrativa  Espesiál Oé-Cusse Ambeno (RAEOA), tanba daudaun ne’e parte ekipa halo hela dezaña no ekipa balun sei kontinua hela fó entrevista ba funsionáriu foun sira iha munisípiu sira refere.

“Ami halo ona sistema rejistu ba ema ne’ebé mak aban bainrua sei fó rejistu ba ema ne’ebé mak sei sai benefisiáriu ba programa refere, iha loron 28 abríl liubá, iha Munisípiu Ainaro, Bobonaro no Rejiaun Administrtaiva Espesiál Oé-Cusse Ambeno (RAEOA),” nia dehan.

Notísia Relevante: Labarik moris 2019 iha direitu hetan “Bolsa da Mãe Jerasaun Foun”

Daudaun ne’e seidauk bele fó sai rezultadu ezame ba funsionáriu sira tanba ekipa rua, ida sei iha Ainaro no seluk iha RAEOA hela, entaun bainhira ramata mak sei fó rezultadu depois iha fulan-juñu 2022 ekipa MSSI tun ba terrenu hodi implementa.

Programa bolsa da mãe jerasaun foun ne’e, sei hahú implementa hodi introdús ba munisóipiu tolu, hafoin ne’e loke tan ba munisípiu sira seluk.

“Programa bolsa da mãe jerasaun foun ne’e ita introdús fazeadamente to’o 2025, ita implementa iha territóriu nasionál,” nia dehan.

Governu liuhosi MSSI prevee orsamentu hamutuk millaun $7 ba programa bolsa da mãe jerasaun foun ne’ebé mak sei implementa iha Munisípiu Ainaro, Bobonaro no Rejiaun Administrativa Espesiál Oé-Cusse Ambeno (RAEOA).

Notísia Relevante: Governu Austrália apoia millaun $5 ba programa “bolsa da mãe jerasaun foun”

Governu prevee millaun $7 ba programa ‘Bolsa da Mãe Jerasaun Foun’

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here