Kandidatu Independente Prezidente Repúbllika 2022-2027, Hermes da Rosa Correia Barros “ Sekiliras Aihaii”. imajen/Natalino Costa.

DILI, 28 janeiru 2022 (TATOLI)- Kandidatu Independente Prezidente Repúblika, Hermes da Rosa Correia Barros “Sekiliras Aihaii” no Isabel da Costa Ferreira, hahú rejista ona iha Tribunál Rekursu (TR) hodi kompete eleisaun prezidensiál ne’ebé sei akontese iha loron 19 marsu tinan ne’e.

Hafoin rejista nia kandidatura, Hermes da Rosa Correia Barros “Sekiliras Aihaii”, hateten rejista ona nia kandidatura iha Tribunál hodi bele kompete iha eleisaun prezidensiál.

“Ohin mai ne’e rejista ona ha’u nian kandidatura iha Tribunál Rekursu, ami laiha problema ho rekezitu hosi Tribunál, tanba ami prenxe ona rekezitu ne’ebé Tribunál Rekursu fó,” Kandidatura Independente ne’e hatete ba jornalista sira hafoin rejista nia kadidatura iha edifísiu Tribunál Rekursu, sesta ne’e.

Notísia relevante: Kandidatu Ramos Horta rejista ona iha Tribunál Rekursu

Nia dehan, nia kandidatura ne’e hetan apoiante eleitór hamutuk 6.363, tanba ne’e  mak fiar hodi avansa ba kandidata-an.

“Ha’u laiha partidu ida maka apoia ha’u, hau só iha kolega, parente, amigu no maluk sira iha merkadu sira, maluk sira iha dalan ninin iha territóriu Timór tomak,”, Sekiliras Aihaii akresenta.

Ho apoia ne’e, kandidatura ne’e iha esperansa boot sei liu selesaun ka avaliasaun hosi Supremu Tribunál ba Justisa (STJ).

“Manán iha eleisaun prezidensiál tinan ne’e, lakon ka manan ne’e povu mak deside, maibé manán no kaer ukun atu ezekuta knaar Prezidente Repúblika nian, tuir iha artigu 74 to’o 90, atu uza knaar tomak hodi garante funsionamentu orgaun estadu nian,” nia akresenta.

Kandidata Prezidente Republika Isabel da Costa Ferreira. Imajen Tatoli/Antonio Dasiparu

Iha biban hanesan, Kandidata Independente Prezidente Repúbllika 2022-2027, Isabel da Costa Ferreira, nia ekipa susesu mós lori ona nia dokumentu hodi rejista  iha Tribunál Rekursu ho totál apoiante 6.000.

Bainhira, jornalista sira tenta atu konfirma kandidatu Isabel Ferreira, la konsege tanba ekipa susesu lakohi fó komentáriu.

Entertantu, iha loron 26 janeiru 2022 kandidata Prezidente Repúblika independente Angela Freitas no Milena Pires mós rejista ona nia kandidatura iha Tribunál Rekursu.   

Notísia relevante:Kandidatu Felizberto Duarte hahú rejista iha TR kompete eleisaun prezidensiál

La prenxe rekezitu, TR haruka fila dokumentu kandidatura Armanda Berta

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here