Kandidatu Prezidente Repúblika períodu 2022-2027, hosi partidu CNRT, José Ramos Horta. Imajen TATOLI/Egas Cristóvão.

DILI, 27 janeiru 2022(TATOLI)— Kandidatu Prezidente Repúblika, José Ramos Horta, kinta (27/02), ofisiálmente rejista ona iha Tribunál Rekursu, atu kompete iha eleisaun Prezidesiál, ne’ebé sei realiza iha loron 19 marsu tinan ne’e.

Kadidatura José Ramos Horta ne’e hetan apoia hosi Partidu Congressu Nacional Reconstrução de Timor-Leste (CNRT) atu kompete iha Eleisaun Prezidensiál períodu 2022-2027.

Notísia relevante:  CNRT deside kandidata Horta kompete iha Eleisaun Prezidensiál períodu 2022-2027

Porta Voz Ekipa Susesu Kandidatura Prezidente Repúblika (PR) periodu 2022-2027, José Ramos Horta. Imajen Tatoli/Francisco Sony

“Ami lori prosesu aprezentasaun kandidatura José Ramos Horta nian, mai entrega ba Supremu Tribunál ba Justisa (STJ), sobre ami nia partispasaun iha eleisaun 19 marsu 2022”, Kordenadór Jerál Ekipa Susesu kandidatu Prezidente Repúblika José Ramos Horta, Tomas Cabral, hateten  ba jornalista sira hafoin ramata aprezentasaun dokumentu kandidatura iha edifisiu Tribunál Rekusu- Caicoli, kinta ne’e.

Koordenadór ne’e informa aprezentasaun kandidatura ba Supremu Tribunál ba Justisa ne’e bazeia lei númeru 15/2021, 14 jullu, Sesta Alterasaun ba Lei Núnmeru 7/2006, 28 dezembru kona-ba Lei Eleitorál ba Prezidente Repúblika.

” Ami lori dokumentu tuir lei artigu 15 no artigu 17 katak rekolla asinatura kartaun eleitór, dokumentu hosi kandidatu nian, no reprezentante kandidatu nian. Ami mai hato’o ba Supremu Tribunál ba Justisa liu hosi Tribunál Rekursu, simu ona ami nia prosesu iha buat ruma sei kontaktu ami,” Tomas Cabral afirma.

Tomas Cabral hatutan, kandidatura José Ramos Horta hetan apoiante kada munisípiu na’in-100, nune’e apoiante iha nivél nasionál hamutuk 5.000.

Notísia relevante: Kandidatu Felizberto Duarte hahú rejista iha TR kompete eleisaun prezidensiál

Jornalista : Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here