Kandidatura Prezidente Repúblika periode 2022-2027, PR Felisberto de Araújo, marka prezensa iha Tribunál Rekursu, kinta (27/01). Imajen Tatoli/Francisco Sony

DILI, 27 janeiru 2022 (TATOLI)- Kandidatu Prezidente Repúblika Independente, Felizberto Araújo Duarte, hahú rejista ona iha Tribunál Rekursu (TR), ho apoiante 7.000-resin, atu compete iha eleisaun Prezidensiál ne’ebé sei realiza iha 19 marsu tinan ne’e.

“Ha’u nia prezensa iha fatin ida ne’e (Tribunál Rekursu) atu hato’o ha’u nia dokumentu ka rejista ha’u nia kandidatura ba Prezidente Repúblika 2022-2027,” Kanidatu Felizberto, hateten ba Jornalista sira hafoin aprezenta nia kandidatura ba Tribunál Rekursu, iha edefísiu TR -Caicoli, kinta ne’e.

Kandidatura Prezidente Repúblika periode 2022-2027, PR Felisberto de Araújo. Imajen Tatoli/Francisco Sony

Nia dehan dokumentu kandidatura ne’e kompleta ho apoiante ka forsa polítika ho eleitór  iha baze hamutuk 7.000-resin.

Apoaiante 7.000-resin ne’e, kompostu hosi Munisípiu Dili ho apoiante 2.000-resin, Ermera 1.000-resin no Baucau no Rejiaun Administrativa Espesiál Oé-cusse no Ambeno (RAOEA) na’in-400 inklui apoiante seluk hosi munisípiu sira iha territóriu nasionál.

“Ho apoiante ne’e natoon ona ba ha’u no aumenta ho ha’u nia kapasidade ne’ebé maka iha bele konkorre ona iha eleisaun prezidensiál, maibé  atu manán ka la manán ne’e povu maka sei deside liuhosi eleisaun,” Kandidatura ne’e akresenta.

Kandida-an ba Prezidente Repúblika, nia dehan atu defende direitu povu nia hodi laiha diskriminasaun ho baze ba Konstitusaun Repúblika Demokrátiku Timor-Leste (K-RDTL)

“Ita nia povu sira nia-moris daudaun ne’e bele sufisiente ona, maibé ita hakarak buka hadia liután tanba ne’e ha’u hakarak kandidata-an hodibele rezolve povu nia ejizénsia sira ne’e,” nia afirma.

Nune’e, Kandidatu Prezidente Repúblika ne’e espera eleisaun prezidensiál iha tinan ne’e bele la’o iha ámbitu hakmatek hodi povu bele ezerse sira nian direitu ho di’ak.

Tuir kalendáriu prazu aprezentasaun lista kandidatu Prezidente Repúblika durante loron 20, nune’e kontinua hein nafatin tuir prazu to’o loron 04 fevereiru hodi simu sidadaun sira-ne’ebé atu kandidata an hodi kompete iha eleisaun prezidensiál.

Tuir lei kandidatu sira aprezenta kandatura tenke kumpre rekezitu hanesan kartaun eleitorál ho apoiante rihun lima (5000) no rekezitu seluk tán, hanoin simu lista Tribunál Rekursu verifika regularidade prosesu, autentikasaun dokumentu no elejibilidade kandidatu sira-nian.

Notísia relevante:  Tribunál Rekursu simu lista kandidatura PR to’o 04 fevereiru

Jornalista : Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here