Revitalizasaun nuu. Imajen/Espesiál

VIQUEQUE, 21 novembru 2021 (TATOLI)—Revitalizasaun nuu iha munisípiu Viqueque, Ministériu Agrikultór no Peska (MAP) sosa ona fini nuu hibrida iha Sulawesi-Indonézia kuaze hamutuk hun 10.000-resin no sei to’o iha Timor-Leste (TL), iha fulan-janeiru 2022.

Notísia Relevante: Indonézia iha kompromisu kontinua fasilita formasaun revitalizasaun nuu ba timor-oan

“Revitalizasaun nuu iha Viqueque, ita sosa ona nuu ibrida hamutuk hun rihun 10.000.00 ne’ebé tama fulan janeiru husi Sulawesi sei to’o Timor hodi kuda iha sentru Raitahu no balun kuda ba povu agrikutór sira kuda. Sosa husi osan ne’ebé aloka Orasamentu ba implementasaun sentru integradu agrikultura sei gasta totál rihun $650”, Diretór MAP Viqueque, Carlos Pinto ba jornalista Agência Tatoli, iha Viqueque Vila, domingu ne’e.

Diretór ne’e hatutan, nuu iha Viqueque kuaze hun kaluk ona, tanba ne’e sei la prodús fuan barak. Tan ne’e, MAP sosa hodi kuda fila-fali nuu sira ne’e hodi rika nuu antigu sira ne’ebé tuan ona,

“Ita iha Viqueque ne’e poténsia ba nuu, maibé nuu ne’ebé iha ne’e kuaze ektare sia (9) de’it. Produtividade laiha tanba nuu sira-ne’e katuas hotu ona, ne’ebé nuu fuan mós ladún barak ona,”  Carlos haktuir.

Notísia Relevante: Posibilidade revitalizasaun nuu ektare 100 iha Viqueque lansa iha agostu

Área sira ne’ebé kuda nuu mak hanesan postu administraivu Viqueque Vila iha suku Bahalara Uain, Bibileo, Uma Ki’ik no suku Luka, postu Ossu suku Nahareka mak kuda nuu, postu Uatulari iha suku Afaloikai, Makadique, Matahoi, Uaitame no Babulu, maibé nuu ladún barak inklui postu Uatucarbaun nuu ladún iha.

Tanba ne’e, nia dehan, presiza halo revitalizasaun nuu iha munisípiu Viqueque hodi aumenta barak, nune’e populasaun sira bele kria indústria mina nuu.

“Ha’u hanoin liuliu povu agrikultór sira presiza kuda nuu barak tanba agora daudaun mina nuu virjen ne’ebé daudaun ne’e sira prodús. Nuu sira agora iha Viqueque nia folin sa’e no nuu fuan dala rua iha tinan ida ladun ona. Depois nuu nia kualidade mós ladun di’ak ona. Tanba ne’e, ita husu povu tenke kuda nuu fila-fali tanba aban bain-rua nuu folin sei di’ak,” nia dehan.

Notísia Relevane: Revitalizasaun nuu, envolve antigu alunu hasai kursu agrikultór iha Israel

Jornalista : Vitorino Lopes da Costa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here