Diretór Agro-Komérsiu no Kooperasaun Setór Privadu hosi MAP, Fernando Amaral. Imajen TATOLI/Cipriano Colo

DILI, 31 maiu 2021 (TATOLI)–Diretór NasionálAgro-Komérsiu no Kooperasaun Setór Privadu hosi Ministériu Agrikultura no Peska (MAP), Fernando Amaral, hateten, revitalizasaun nuu iha munisípiu Viqueque sei envolve antigu alunu timor-oan ne’ebé antes ne’e foti kursu agrikultór iha Arava International Center for Agricultural Training (AICAT) Israel.

“Revitalizasaun halo parte planu rekupersaun ekonómika, ne’ebé maka ita sei envolve ema na’in-25 to’o 50 ne’ebé maka ba hasai kursu iha Israel inklui joven lokál na’in-50, nune’e sira bele serbisu hamutuk grupu agrikultór dezenvolve nuu,” Diretór informa ba Agência TATOLI, iha Embaixada Indonezia, Farol, seguda ne’e.

Notísia relevante: Embaixada Indonézia-MAP fasilita formasaun revitalizasaun nuu ba joven agrikultór

Nia dehan, razaun MAP envolve atigu alunu hosi Israel, tanba sira hanesan joven agrikultór potensiál ne’ebé maka bele bá área rurál hamutuk ho agrikultór sira.

“Tinan-lima ba oin, ita uza didi’ak ita-nia antigu alunu hosi Israel, atu nune’e sira sai agrikultór ne’ebé lori inovasaun ona iha prátika agrikultura, tanba tinan-ida iha Israel sira iha koñesimentu siénsia no teknolojia,” nia akresenta.

Maski antigu alunu sira antes ne’e konsentra liu ba ortikultura, maibé Diretór ne’e otimizta joven sira ne’e bele dezenvolve nuu ho di’ak, ho koñsimentu ne’ebé mak sira iha liuhosi formasaun.

Entertantu, implemetasaun revitalisaun nuu iha munisípiu Viqueque iha rai ektare 100 sei realiza iha tinan ne’e ho finansiamentu hamutuk $650.000.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here