Estudantes sira tuur forma halo registrasun hodi halo swab teste iha SIJK, Tersa (25/5/2021). Imajen Tatoli/Antonio Goncalves

DILI, 22 juñu 2021 (TATOLI) –Universidade de Dili (UNDIL) iha ona kondisaun atu reativa hikas prosesu ensinu aprendizajen tanba sira nia korpu dosente ho funsionáriu administrasaun liu ema 100 simu ona vasina. Mezmu nune’e, UNDIL hein despaixu Ministériu Ensinu Superiór Siénsia no Kultura (MESSK) atu re-ativa eskola.

Notísia Relevante : 27 juñu, UNPAZ reativa aula prejensiál

“UNDIL iha ona kondisaun tanba dosente no funsionáriu 95% mak hetan ona vasinasaun.  Maibé buat hotu tenke hein orientasaun Governu liuhosi MESSK,” Reitór UNDIL, José Agustinho Belo informa ba Tatoli iha kampus UNDIL, tersa ne’e.

Nu’udar reitór José Agustinho Belo, husu atu metade dosente ne’ebé seidauk vasina tenke halo kontrolu hodi hetan rekuperasaun hodi bele hetan fali vasinasaun tuir mai

Hosi sorin seluk,  Vise-Reitór Institutu Superiór Cristál (ISC), Jacinto de Oliveira Junior afirma vasinasaun iha ISC  loke semana ida ona no kuarta aban (23/06) sei kontinua tan vasinasaun jerál inklui dosente no funsionáriu administrasaun 300-resin.

Notísia Relevante : Setembru, IOB reativa aula prejensiál

“Ba sira ne’ebé mak la kohi ka seidauk simu vasina automatikamente sei labele asesu ba prosesu aprendizajen aula prejensiál,” Jacinto de Oliveira Junior, afirma.

 Ba entidade hotu iha ICS ne’ebé vasina ona, sei halo planu hodi halo abertura  iha enkontru foun hodi prepara prosesu atu re-ativa hikas aula prejensiál.

Notísia Relevante : Estudante ho Dosente DIT tenke vasina

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here