DILI, 18 juñu 2021 (TATOLI) – Magnífiku Reitór Dili Institute of Technology (DIT), Alvaro Menezes Amaral, orienta ona dosente, inklui estudante hotu tenke simu vasina molok juñu remata, nune’e, inísiu jullu, reativa aprendizajen aula prejensiál tuir orientasaun Governu nian karik DIT iha ona kondisaun.
Notísia Relevante : 27 juñu, UNPAZ reativa aula prejensiál
“Ami nia dosente kuaze 200 ne’ebé rejistadu simu ona vasina, agora ami husu tan estudante hotu DIT nian tenke simu mós vasina,” Alvaro Menezes Amaral haktuir ba Agência Tatoli iha DIT, Dili, sesta ne’e.
Planu DIT nian prepara uluk kondisaun ne’e hodi garante Ministériu Ensinu Superiór, Siénsia no Kultura (MESSK) bele foti desizaun tanba Konsellu Ministru deklara ona hapara konfinamentu obrigatóriu, maibé kontinua tan serka sanitária ba loron-hitu (7).
Jornalista : Tomé Amado
Editór : Francisco Simões
