Kampus IOB, Fomento, Dili. Imajen/IOB

DILI, 21 juñu 2021 (TATOLI) – Institute of Business (IOB) orienta  sira-nia ajenda ensinu aprendizajen prejensál sei akontese iha inísiu setembru 2021.

Notísia Relevante : 27 juñu, UNPAZ reativa aula prejensiál

Atu to’o iha alvu orientasaun ne’e, funsionáriu administrasaun ho korpu desente IOB nian ho persentajen 95% simu ona vasina doze dahuluk no jullu mai sei simu tan vasina doze daruak nian.

Magnífiku Reitór IOB, Pedro Ximenes hateten, diresaun jestaun IOB  orienta ona korpu dosente ho funsionáriu administrasaun IOB nian tenke simu vasina kompletu atu asegura atividade ensinu aprendizajen prejensiál.

“Ami nia rekursu umanu sira hetan hotu ona vasinasaun doze dahuluk, agora hein tan vasinasaun doze daruak nian iha jullu. Nune’e, iha inísiu setembru  bele re-ativa ona atividade aula prejensiál,” Pedro Ximenes, informa ba Agência Tatoli iha kampus IOB, Fomento, Dili, segunda ne’e.

Dosente IOB nian na’in-195 ho funsionáriu administrasaun na’in-60 maka simu ona vasina AstraZeneca doze daruak.

“Ha’u ezije estudante ho maiór idade tinan 18  ba leten tenki simu vasina, se mak simu ona vasina maka bele partisipa iha prosesu ensinu aprendizajen. Ami la’ós obriga, maibé nu’udar jestór atu garante funsionamentu iha instituisaun ida,” Pedro Ximenes tenik.

Jornalista : Tomé Amado

Editór        : Francisco Simões

HAKEREK NO HATÁN

Please enter your comment!
Please enter your name here