Prezidente Tribunal Rekursu, Deolindo dos Santos. Imajen Tatoli/Antonio Goncalves.

DILI, 04 marsu 2021 (TATOLI)—Tribunál Rekursu (TR) sei foti desizaun ba fiskalizasaun abstrata hosi Bankada Congresso Nacional de Reconstrução de Timorense (CNRT) iha tempu oportunu tanba matéria refere oras ne’e sei pendente hela.

Notísia Relevante: PN sei hatán notifikasaun TR kona-ba fiskalizasaun abstrata ba OJE 2021

“Matéria ne’e sei pendente hela iha Tribunál Rekursu no sei deside iha tempu ne’ebé ke opurtunu. Tribunál Rekursu sei la ultrapasa prazu legál ne’ebé ke lei rasik estabelese no mós sei deside tuir regra prosesu sivíl nian,” Prezidente Tribunál Rekursu, Deolindo dos Santos, informa ba jornalista sira, iha Parlamentu Nasionál, kinta ne’e.

Entretantu, Vise-Xefe Bankada Congresso Nacional de Reconstrução de Timorensse (CNRT), Deputadu Patrocínio Fernandes dos Reis, hateten fiskalizasaun abstrata ne’e akontese tanba Orsamentu Jerál Estadu (OJE) 2021 viola regra konstitusionál no Lei Orsamentu no Jestaun Finanseira (LOGF-sigla portugés).

Nia dehan, Bankada CNRT halo pedidu Fiskalizasaun Abstrata ba Orsamentu Jerál Estadu 2021 tanba artigu 150, alínea (e) hosi Konstituisaun-da-Repúblika mak fó dalan.

Bankada CNRT laiha intensaun atu blokea funsionamentu Governu nian ka Impede OJE 2021 maibé Bankada CNRT konsidera OJE 2021 viola regra Konstitusionais no Lei Orsamentu no Jestaun Finanseira.

Entretantu, Prezidente Parlamentu Nasionál simu notifikasaun iha loron 12 janeiru liubá no fó resposta iha loron 12 fevereitu 2021.

Notísia Relevante: Bankada CNRT klarifika razaun husu fiskalizasaun abstrata kona-ba OJE 2021

PN Simu Ona Resposta Desizaun Fiskalizasaun Abstrata LAP Husi TR

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here