Prezidente Parlamentu Nasional, Aniceto Guterres. Imajen Tatoli/Antonio Goncalves.

DILI, 20 janeiru 2021 (TATOLI)–Parlamentu Nasionál (PN) lideradu Deputadu Aniceto Longuinhos Guterres Lopes, sei hatán notifikasaun hosi Tribunál Rekursu (TR) kona-ba pedidu bankada CNRT husu fiskalizasaun abstrata ba Orsamentu Jerál Estadu (OJE) 2021.

Notísia Relevante: TR notifika PN kona-ba OJE 2021

“Klaru ke parlamentu sei hatán tanba notifikasaun ne’e nia objetivu ba parlamentu. Tanba, parlamentu mak autór ba lei Orsamentu Jerál Estadu 2021,” Prezidente Parlamentu Nasionál, Aniceto Guterres, hateten ba jornalista sira hafoin hasoru malu ho Xefe Estadu iha Palásiu Prezidensiál Nicolau LObato, Bairru-Pité, Dili, kuarta ne’e.

Maibé, Aniceto Guterres hateten, nia parte sei la pronunsia karta resposta ba Tribunál Rekursu ne’e ba publiku.

“Deputadu balun kestiona legalidade orsamentu 2021, entaun Parlamentu Nasionál hanesan instituisaun no autór ba lei ne’e hatán durante loron 30,” nia dehan.

Prezidente Parlamentu Nasionál prepara ona atu hatán maibé seidauk no hatán karik sei labele fó-sai ba publiku.

Notísia Relevante: Pedidu Bankada CNRT ba TR la fó impaktu Ezukusaun OJE 2021

Jornalista: Evaristo Soares Martins

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here