Livru financial report FFTL 2019. Imajen/FFTL

DILI, 16 janeiru 2021 (TATOLI) – Iha tinan 2019,  Asian Football Confederation (AFC), ASEAN Football Federation (AFF) ho International Federation of Association Football (FIFA) haraik osan ho valor    $1,933,815.90 ba Federasaun Futeból Timo-Leste (FFTL) hodi tulun atividade FFTL nian no dezenvolvimentu futeból iha rai doben ne’e.

Livru financial report FFTL  ba 2019 nian ne’ebé aprezenta iha kongresu estraordináriu FFTL nian iha loron 12 dezembru 2020, haktuir katak apoiu orsamentu hosi AFC ba FFTL ho valor $611,662.50, AFF $276,080.96 no FIFA $1,001,320.84.

Notísia Relevante : FFTL fó sansaun disiplinár ba Edit Savio ho Osvaldo Belo

Livru financial report FFTL 2019 ne’ebé Agência TATOLI asesu sita mós katak, FFTL mós hetan apoiu orsamentu hosi AFC, AFF no FIFA maibé ho kategoria other grants ho montante $44,751.60, kompostu hosi AFC $0,00, AFF $34,751.60 no FIFA $10,000.00.

Ho montante orsamentu apoiu AFC, AFF no FIFA nian ne’e, FFTL gasta ba nesesidade sira hanesan iha livru report financial 2019 nian maka hanesan tabela tuir mai ne’e:

Federação Futebol de Timor-Leste (FFTL) Profit & Loss (January through December 2019)  

Diskrisaun Gastu Total
Grants and distributions $291,144.00
Professional Fees $31,494.69
Depreciation $21,551.00
Venue rental $3,430.00
Travel $488,557.37
Car Rental $9,964.24
Accommodation $75,815.01
Memberships and Dues $10,645.00
Medical Fees $9,508.50
Meals $57,334.40
Advertising Expenses $3,838.55
Infrastructure and Maintenance $39,646.72
Cleaning & Comfort $3,051.27
Sports Training Equipment $57,090.18
Fines, Penalties, Judgments $1,475.00
Facilities and Equipment $535.00
Administration Cost $43,866.72
Staff Development & Training $18,044.18
Salary & Wages $231,447.00
Allowances $258,532.74
Social Security $5,79750
Water $3,935.50
Electricity $8,717.28
Telephone, Telecommunications $29,235.50
ID & Passport Fees $1,225.50
Visa Fees $14,036.53
Other Types of Expenses $1,360.75
Total Expense $1,721,280.13
Net Ordinary Income $212,535.77
Bank Interest $63,51
Expenses From Previous Years $82,189.47
Total Other Expense $82,189.47
Net Other Income -$82,125.96
Net Income $130,409.81

Financial statements FFTL nian ne’e, tuir dokumentu kongresu estraordináriu FFTL nian iha 2020 ne’e mensiona mós katak rendimentu no gastu orsamentu FFTL nian ne’e aprova ona hosi auditor independente  ida nu’udar membru hosi IGAL, Herman Dody Tanumihardja & Rekan ho No: 00267/2.0627/AU.1/11/0324-2/1/VII/2020.

Sekretáriu Jerál FFTL, Nélio Isaac Sarmento. Imajen Tatoli/ Egas Cristóvão

Kona-ba orsamentu FFTL nian ne’e Agéncia TATOLI, halo entrevista ho Sekretáriu Jerál FFTL, Nelio Isaac Sarmento, hodi konfirma asuntu ne’e, esklarese katak  orsamentu ne’ebé kada tinan  AFC, AFF ho FIFA haraik ba FFTL utiliza ba item tolu.

“Osan sira ne’e mai fahe ba item tolu mak hanesan nesesidade operasionál, hanesan nesesidade hadi’a edifísiu no fasilidade infraestrutura sira at ne’e, selu eletrisidade, selu telefone  no seluk tan. Orsamentu ida ba atividade futeból  hotu de’it fahe ba rua ida mak atividade kompetisaun sira ne’e, ida ba preparasaun selesaun nasionál no ida fali mak infraestrutura baze, ida ne’e la’ós kada tinan ita hetan, ida ne’e kuandu ita haree ba kondisoens ita aplika tanba FIFA iha fundus ida kona-ba ne’e, ezemplu Governu fó rai ida ba FFTL bolu ema halo dezeñu aprezenta ba FIFA foin maka hahú prosesu aplikasaun FIFA,” Nelio Isaac Sarmento hateten, kuarta (13/01), iha edifísiu FFTL.

Notísia Relevante : LFTL sujere ba SEJD ho FFTL rezolve infraestrutura futeból TL

Nia klarifika katak item ba gastu operasionál nian ne’e mak utiliza ba nesesidade barak, liu-liu ba munisípiu sira hotu hanesan fó subsídiu ba asosiasaun munisipiu sira.

“Osan ne’e aloka barak liu mós ba iha atividade sira hanesan liga feto, kompetisaun; kopa feto, kopa mane, ekipa selesaun nasionál, U-16, U-19, U-23 no senior,” eis Sekretáriu Estadu Komunikasaun Sosiál ne’e esplika.

Notísia Relevante : Transferénsia osan SEJD ba LFTL sai polémika

Nelio Isaac hateten, uluk labarik sira mai treinu de’it, agora laiha, sira mai treinu ne’e komesa hosi sira nia hemu, osan transporte kada fulan sira simu osan, osan sira simu ne’e boot liu saláriu estandar traballadór nian, ne’e ba ekipa nasionál hotu ne’ebé treinu iha FFTL no bainhira kompetisaun liga hahú fali, sira ida-idak fila-fali ba sira-nia klube mak iha fali responsabilidade ba sira.

Eis Sekretáriu Estadu Juventude no Desportu ne’e atualiza mós katak saláriu ba funsionáriu hotu iha FFTL iha tinan (2019) hamutuk $231,447.00 no daudauk ne’e funsionáriu iha FFTL hamutuk na’in-60.

“Funsionáriu iha FFTL ne’e menus hosi na’in-60. Relatóriu tinan kotuk (2019, red) iha $231,447.00, mais iha tinan ida-ne’e 2020, $176,000.00-resin, osan sira ne’e ita selu hosi treinadór nasionál ho treinadór internasionál,” Nelio hateten.

Daudaun ne’e FFTL rekruta ona iha treinadór nasionál hamutuk na’in-haat (4), treinadór nasionál senior asume kargu hanesan diretór tékniku, no mós iha tan treinadór ida bolu naran hed-coach education xefe ba treinadór edukasaun nian ida ema Brazil, ida Malázia no iha tan treinadór selesaun nasionál ba feto nia mós hanesan diretór ba asuntu jogadór feto nian ne’e hosi Korea ho mós iha treinadór nasionál ida ba U-16.

Kona-ba nesesidade utiliza karreta rental, Nelio Isaac klarifika katak, FFTL utiliza karreta rental hodi  ba haree atividade sira iha munisípiu no halo operasaun ba mai iha Dili laran kuandu atividade FFTL nian lao.

“Ita hotu haree kuandu ba partisipa iha munisipiu sira ba jogu kompetisaun lokál ka halo audit ami nian ba munisipiu sira ami tenke uza karreta sira ne’e, tanba ami FFTL karreta laiha entaun tenke aluga karreta. Tanba ida FIFA nia regra mós labele hola karreta, mais bainhira ita susar tebes justifika razaun sira autoriza ita sola, se la autoriza ita la sola. Ami rekoñese katak aluga karreta ne’e nia kustu as, tanba aluga karreta ne’e ba munisípiu ne’e fulan rua tolu ba leten tanba ba munisípiu sira, ami nia asosiasaun sira hatene ida ne’e, ami iha ne’e karreta laiha, ami nia karreta mak mini bus ida oan dodok iha ne’e no karreta ki’ik-oan balu iha ne’e ba treinadór,” Nelio Isaac klarifika.

Statement of Financial Position as at December 31, 2019

ASSETS

Current assets

Cash and cash equivalents                2c,4     ——-$147,254

Total current assets———————————–$147,254

Non current assets

Fixed assets – net of accumulated depreciation as at December 13, 2019 and 2018 amounted to $928,489 and $906,938, respectively

TOTAL ASSETS—————————————$147,254

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here