Prezidente LFTL, Nilton Gusmão. Imajen Tatoli/dok.

DILI, 12 janeiru 2021 (TATOLI) –Prezidente Liga Futeból Timor-Leste (LFTL),  Nilton Gusmão,  sujere ba Sekretáriu Estadu Juventude no Desportu ho Federasaun Futeból Timor-Leste (FFTL)  atu  hamutuk hodi rezolve daudaun ona infraestrutura ba futeból iha Timor-Leste ne’ebé seidauk adekuadu.

“Ha’u hanoin importante liu mak oinsá FFTL hamutuk ho ita-nia Governu buka meiu no dalan atu haree ita-nia infraestrutura futeból nian ne’ebé seidauk adekuadu, nune’e bele ajuda futeból TL ho kualidade liu,” atuál diretór Esperansa Timoroan  (ETO) ne’e  hateten ba Agência Tatoli, ohin, iha edifísiu ETO, Taibessi, Dili.

Notísia Relevante : Transferénsia osan SEJD ba LFTL sai polémika

Nilton Gusmão haree katak daudaun ne’e problema ne’ebé futeból enfrenta mak kampu ne’ebé seidauk sufisiente hodi hala’o liga. Tanba ne’e, governu ho FFTL presiza foku atensaun ho sériu ona ba infraestrutura futeból Timor-Leste nian.

Nia hatutan, bainhira kondisaun infraestrutura di’ak ona patrosinadór barak iha hanoin ne’ebé di’ak ona atu apoiu Timor-Leste nia dezenvolvimentu futeból.

“Ita haree iha ema nia rai infraestrutura adekuadu, setór privadu sira ha’u hanoin sei apoiu másimu tanba iha setór privadu sira apoiu iha jogu ruma sira mós iha hanoin negósiu iha ne’ebá tanba sira mós iha hanoin atu promove sira-nia produtu,” Nilton  hateten.

Jornalista   : Hortencio Sanchez

Editór        : Francisco Simões

 

 

HAKEREK NO HATÁN

Please enter your comment!
Please enter your name here