Lalenok United FC sai kampiaun iha Jogu Finál Tasa 12 Novembru 2020. Imajen Tatoli/Antánio Gonçalves

DILI, 05 janeiru 2021 (TATOLI) –Ho prestasaun Lalenok United FC nian ne’ebé sai kampiaun iha Kopa Federasaun Futeból Timor-Leste (FFTL), kampiaun Tasa 12 Novembru no prestasaun sira-seluk tan, lori klube ne’e hetan priviléjiu reprezenta Timor-Leste iha kopa AFC  (Asian Football Confederation) 2021.

Notísia Relevante : Lalenok United FC mantein nia títulu “ekipa jigante”

Ho nune’e, iha loron 27 janeiru 2021, reprezentante Lalenok United FC sei dada rifa ho meiu virtual hosi Malázia ne’ebé organiza hosi komisaun organizadora Kopa AFC 2021.

 Adjuntu Sekretáriu Jerál Federasaun Futeból Timor-Leste (FFTL), Frederico Martins hateten, Lalenok United FC ne’ebé reprezenta TL la bele ba direita Malázia atu dada rifa, maibé sei fasilita hosi meiu online.

“Ita iha hela Estadu emerjénsia bá Covid-19 ne’ebé labele ba partisipa diretamente hanesan tinan kotuk, maibé sei halo online no ita bele hola parte diretamente,” Frederico Martins, ohin, informa ba Agência Tatoli iha edifísiu FFTL, Dili.

Notísia Relevante : Nataniel-Osvaldo sei reforsa Lalenok United FC

“Jogu ne’e loloos halo iha janeiru tanba situasaun Covid-19 entaun tenke adia uitoan hodi fó oportunidade bá nasaun sira seluk ne’ebé sira nia liga seidauk remata,” nia hateten.

Enkuantu klube ne’ebé sei partisipa iha jogu ne’e hosi rejiaun Asia  tomak hamutuk klube-neen (6) hosi nasaun hanesan, Myanmar, Indonézia, Kamboja, Laos, Brunei no Timor -Leste.

Notísia Relevante : Lalenok sai kampiaun ba kopa FFTL

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here