Logo Ministériu Saúde.

DILI, 04 agostu 2020 (TATOLI)-Ministériu Saúde liuhosi Diretór Nasionál Polítika Kooperasaun, Narcísio Fernandes, rekoiñese ho involvimentu husi Ajénsia Internasionál sira-nian durante ne’e, maka fó tulun ona ba Governu hodi halo prevensaun ba moras COVID-19 iha Timor-Leste.

Ajénsia Internasionál hirak ne’e maka UNICEF, UNDP, Uniaun Europeia, Organizasaun Mundiál Saúde (OMS), Care Internasionál, KOICA, OXFAM, World Vision no seluk tan.

Notísia Relevante :UNICEF-UE Apoiu Ekipamentu COVID-19 ba Governu

Timor-Leste susesu iha parte rua ba prevensaun coronavirus, dahuluk maka Governu foti desizaun hodi estabelese kuarentena obrigatóriu ba abitante sira hodi hela durante loron 14, no asuntu ida seluk tan maka programa vijilánsia sanitária ne’ebé halo servisu maka’as ba promosaun no divulgasaun informasaun ba komunidade hodi prevene no kombate pandemia globál coronavirus.

Notísia Relevante :Ajénsia Internasionál Lima Apoiu Ekipamentu ba MS

”Progresu sira ne’e hotu to’o ohin loron ita konsegue utrapasa no bele kontrola COVID-19 iha Timor-Leste tanba iha parseiru sira-nian involvimentu barak tebes hodi partisipa fahe informasaun komunidade sira tama no sai uma, laiha difikuldade maibé ita konsegue hamutuk ho parseiru sira hodi utrapasa susesu ida ne’e,”dehan nia iha Salaun Ministériu Saúde, tersa ne’e.

Notísia Relevante :PNUD-KOICA Entrega Ekipamentu Protesaun COVID-19 ba AJTL

Hodi hatutan atu halo propagasaun ba moras coronavirus, Ministériu Saúde sei kontinua presiza tulun husi doadór internasionál, nasionál no komunidade hotu nian hodi servisu hamutuk ho di’ak liután.

“To’o agora Timor-Leste nafatin halo intervesaun sedu ba COVID-19 tanba iha nasaun viziñu agora daudaun kazu sa’e maka’as hanesan iha Indonézia entaun la kle’ur estudante sira ne’e mai bele lori risku no sei mosu fali moras nee,”nia hateten.

Jornalista : Felicidade Ximenes

Editór       : Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here