Reprezentante Embaixadór Uniaun Europia (UN) iha Timor Leste, Andrew Jacobs.Imajen/Godinho

DILI, 03 agostu 2020 (TATOLI)-Ajénsia Internasionál lima, hanesan Care Internasionál, OXFAM, PLAN Internasional, Catholic  Relief  Services , no World  Vision Timor-Leste, segunda ne’e, apoiu ekipamentu prevensaun COVID-19 ba Ministériu Saúde iha salaun Palacio da Sinzas, Caicoli Dili.

Uniaun Europeia maka apoiu osan hamutuk millaun $ 1.3 husi pakote projetu ida ne’ebé implementa husi Ajénsia Internasionál lima ne’e no servisu hamutuk mós ho sosiedades sivíl sira iha TL.

Notísia Relevante :Uniaun Europeia Husu Povu TL Mantein Prevene COVID-19

Embaixadór Uniaun Europeia iha Timor Leste, Andrew Jacobs, hateten fasilidade hirak ne’ebé entrega ohin, hanesan máskara faciál hamutuk 200.000 dezinfektan litru 5.000, sabaun 20.000 hodi tulun profisionál saúde sira atu halo prevensaun ba moras mundiál ne’e.

Notísia Relevante :Kombate COVID-19, UE Prevee Tan Osan Millaun $ 3 ba TL

”Projetu ne’e sei apoiu ba populasaun Timoroan sira liliu família vulneravel sira iha Munisípiu ualu mak hanesan Dili, Aileu, Baucau, Viqueque, Liquiça, Ermera, Covalima, no mos Oé-Cusse entaun ema hirak ne’e sofre difikuldade ekonomika no sosiál signifikante tebes tanba husi COVID-19 ida ne’e,” tenik tan.

Tempu badak, Uniaun Europeia disponibiliza ona osan hamutuk millaun $ 3.5 atu fó tan apoiu ba TL hodi responde ba COVID-19.

”Sasán sira ne’e benifisia ba ema hamutuk 32.000 no valór ekipamentu ne’e hamutuk $ 200.000,”dehan Embaixador Uniaun Europeia iha Timor Leste Andrew Jacobs, hafoin entrega apoiu ne’e.

”Ha’u orgullu hamutuk ho Oxfam entrega ekipamentu balun ne’ebé konsidera hanesan ekipamentu protesaun individuál ba Ministériu Saúde atu ajuda kombate propagasaun Covid-19,”nia hateten.

Iha fatin hanesan, Diretóra OXFAM iha TL, Kahty Richards, Coronavirus sei kontinua ameasa mundu inklui Timor-Leste tanba ne’e  ho apoiu refere sei hal prevensaun no kombate transmisaun foun iha ba futuru.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here