Ema 204 mak fó doasaun ran ba banku sangue
DILI, 03 agostu 2020 (TATOLI)-Ema hamutuk 204 maka fó ona doasaun ran ba Banku Sangue Ospitál Nasionál Guido Valadares (HNGV-sigla portugés) durante fulan-juñu, divulga relatóriu Banku Sangue.
”Iha fulan juñu ami atende raan hamutuk 204 entaun ami mós atende raan ba klinika privadu fatumeta hamutuk 19,” dehan Xefe Departamentu Banku Sangue HNGV, Januario da Cruz Freitas, ba jornalista sira iha nia kna’ar fatin.
Notísia Relevante :Ema 1.500 Oferese Ona Ran ba Banku Sangue Nasionál
Husi rezultadu doasaun ne’e, ran ho tipu A hamutuk 110, B iha 80, AB iha 31, no O iha 183.
“Tipu ran AB ne’e susar tebes maibé dalaruma pasiente mós menus ba ran AB. No pasiete sira ne’ebé mak presiza liu ran ne’e husi família tanba dalabarak família mak oferese ran barak liu,”dehan Nia.
Notísia Relevante :Pasiente Fase Ran Hamutuk 161 mak Presiza Doasaun Ran Barak
Durante fulan rua kotuk, voluntáriu no família purvolta na’in 15 maka oferese ran ba ema moras sira.
Notísia Relevante :2019-2020, Dadur 180 Fó Doasaun Ran ba HNGV
Jornalista : Felicidade Ximenes
Editór : Agapito dos Santos
