Iliwatu Danabere,Diretor Arte Moris.Imajen/Jogerjo Guterres

DILI, 23 jullu 2020 (TATOLI)-Governu liuhosi Diresaun Terra no Propriedade Ministériu Justisa daudaun ne’e oferese ona fatin ba Grupu Arte Moris hodi uza bainhira muda ona husi edifísiu antigu iha Beto Timur Dili.

Diretór Arte Moris, Iliwatu Donabere, informa maski Governu entrega ona rai ne’e ba sira, maibé komunidade balun sei okupa hela fatin refere.

“Ami hatene ona lokalizasaun rai ne’ebé Terra indika ka entrega ba ami, maibé ha’u rasik seidauk bele hatan tanba ami prezija haree lai kondisaun rai  iha fatin ne’ebá,”dehan  nia ba TATOLI, iha edifísiu Arte Moris, Dili kinta ne’e.

Notísia Relevante :PM Taur Deside CCLN Okupa Edifísiu Arte Moris Comoro

Responsavel Grupu ne’e dehan, antes foti desizaun kestaun ne’e, presiza atu halo konsultasaun ho membru Grupu sira seluk tanba Arte Moris akumula grupu hamutuk lima.

Notísia Relevante :Arte Moris Prontu Koopera ho Governu Entrega Edifísiu ba CCLN, Maski Hasoru Difikuldade

“Ami rona rai ne’e iha ona komunidade balun mak hela iha laran, ami lakohi Governu entrega tiha ba ami depois mosu dezentendimentu iha futuru entre ami ho komunidade sira,” katak Nia.

Arte Moris ho ninia grupu sira seluk presiza espasu sufisiente hodi rai ekipamentu no apoiu servisu Grupo ninian.

Diresaun Terra no Propriedade entrega rai ba grupu arte moris ne’e lokaliza iha Edifísiu Ministériu Turizmu Komérsiu no Indústria (MTKI) nia kotuk.

Notísia Relevante :SEKOMS Promete Fasilita Mediasaun Entre Arte Moris ho Governu

Entretantu, Governu liuhusi Sekretáriu Estadu Arte no Kultura (SEAK) entrega ona fatin Grupu Arte Moris Dili ba Konsellu Veteranus hodi uza iha futuru.

Jornalista : Tomé Amado

Editór       : Agapito dos Santos 

HAKEREK NO HATÁN

Please enter your comment!
Please enter your name here