Movimentu Solidariedade Salva Klínika Bairu Pité (MSS-KBP),halibur osan rahun hodi tulun Klínika Bairu Pité iha área Motael. Foto Tatoli/Agapito dos Santos

DILI, 22 jullu 2020 (TATOLI)-Jestór Klínika Bairru-Pité Dili, Inácio dos Santos, informa daudaun ne’e nia parte kontinua enfrenta krize orsamentu hodi afeta ba funsionamentu instituisaun ne’e liliu ba prosesu atendimentu ba pasiente sira.

”Problema ne’ebé mak ami durante hasoru nafatin finanseiru,”dehan nia ba jornalista sira iha ninia servisu fatin Bairru-Pité Dili, kuarta ne’e.

Notísia Relevante :Fulan Lima, Funsionáriu Klínika Bairru-Pité La-Simu Saláriu

Tuir nia dalan ida atu hetan solusaun ba problema  ne’e maka presiza hetan apoiu husi Governu liuhosi Ministériu Saúde.

“Ami koko nafatin ba Ministériu Saúde para bele suporta ami maibé to’o oras ne’e seidauk iha solusaun ruma,”katak Nia.

Notísia Relevante :Difikuldade Ne’ebé Klínika Bairru Pité Infrenta Seidauk Hetan Solusaun

Nia konfesa katak, oras ne’e nia parte sustenta funsionamentu instituisaun ne’e ho orsamentu hamutuk $ 6.000 –resin ne’ebé maka antes ne’e hetan apoiu husi Fundu Sosiedade Sivil iha Gabinete Primeiru-Ministru nia okos.

“Ami la’o hela to’o agora no ami koko hetan suporta husi rai-liur maibé too agora seidauk entaun ami nafatin enfrenta krize finanseira maibé ami kontinua lao tuir dalan  doutór  matebian Daniel ne’ebé uluk sei iha maske hasoru difikuldade boot ne’ebé ami hasoru maibé ami kontinua la’o ba oin,”tenik tan.

Notísia Relevante :Tinan 2020, MS Propoin Rihun $180 ba Klínika Bairru Pite

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here