Vise Ministra Saúde, Elia Antónia Araújo dos Reis Amaral. Imajen Tatoli/Hortençio Sanchez

DILI, 06 novembru 2019 (TATOLI) – Vise Ministra Saúde, Elia Antónia Araújo dos Reis Amaral, hateten tinan oin Governu liuhosi Ministériu Saúde (MS) sei propoin orsamentu hamutuk rihun $180 hodi tulun Klínika Bairru Pité.

“Tinan 2020, ami sei propoin osan hamutuk rihun $180 ba Klínika Bairru-Pité. Maibé, ita mós sei haree prosesu orsamentu jerál Estadu ne’e ba oin hetan promulgasaun ita sei apoiu duni,” Elia dehan iha Paláçio do Governo, kuarta ne’e.

Lee mós: Difikuldade Ne’ebé Klínika Bairru Pité Infrenta Seidauk Hetan Solusaun

Nia haktuir, durante ne’e Governu apoiu hela Klínika refere entermu rekursu umanu no ekipamentu.

“Ita hatene katak Klínika Bairru Pité, klínika privadu. Maibé, durante ne’e, ami apoiu hela apoiu rekursu umanu. Ami haruka pesoál saúde balun ba iha ne’ebá no mós ekipamentu ami sempre suporta ba klínika ne’e,” governante ne’e tenik.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here