Vise Ministru Saúde, Bonifácio Maucoli dos Reis, observa direitamente kondisaun kuarentena COVID-19 iha Postu Integradu Batugade. Imajen/Eugénio Pereira

COVALIMA, 08 jullu 2020 (TATOLI)-Ekipa Ministériu Saúde, iha tersa ne’e dezloka ona ba Fronteira Terrestre Bobonaro ho Covalima hodi observa direta kondisaun ba fatin izolamentu no kuarentena nune’e bele responde ho lalais hodi halo prevensaun ba surtu COVID-19.

“Ita-nia  vizita ne’e  haree pontu entrada sira hanesan iha Salele (Covalima) horiseik iha Batugade (Bobonaro) para oinsá Ita prepara kondisaun iha kuarentena ne’e hodi bele simu ita-nia vizitante sira ne’ebé mak atu tama mai semana ida dala ida,”informa Vise Ministru Saúde, Bonifácio Maucoli dos Reis, iha Covalima, kuarta ne’e.

 Notísia Relevante :Konstrusaun Kuarentena iha Batugade Atinje Pursentu 80

Tuir planu iha semana oin, Governu sei loke ona pontu entrada sira iha kada loron kuarta tanba ne’e,  presiza halo preparasaun hodi simu abitante Timor-oan no rai li’ur ne’ebé maka atu tama territóriu Timor-Leste.

 Notísia Relevante :Kuarentena COVID-19 iha Batugade Seidauk Utiliza

Iha Covalima Ministériu Saúde prepara ona fatin kuarentena no izolamentu ho tipu kontainer rua  atu bele akumula sidadaun sira bainhira indentifika iha sintoma ba surtu coronavirus.

 Notísia Relevante :Administradór Covalima Preokupa Kondisaun Kuarentena

“Sira ne’ebé tama mai  tipu negósiu ita husi parte pilár ne’ebé responsabiliza atu halo dezinfekta ba artigu ka sasán ne’ebé tama no ba pesoál vizitante sira ita kanaliza direitamente ba iha konfinamentu obrigatóriu ne’ebé fatin prepara tiha ona iha Suai,”realsa Vise Ministru Saúde.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here