BOBONARO, 07 jullu 2020 (TATOLI)-Ministériu Saúde hamutuk ho ekipa tékniku no mós Kompañia Nasionál balun iha Munisípiu Bobonaro konstroi ona kuarentena obrigatóriu iha Motain Postu Administrativu Balibo ne’ebé daudaun ne’e atinje ona pursentu 80.
Notísia Relevante :Kuarentena COVID-19 iha Batugade Seidauk Utiliza
Kuarentena obrigatóriu ne’e konstrui iha edifísiu no loja sira ne’ebé maka Ministériu Turizmu Komérsiu no Indústria harii ona iha Merkadu Tradisionál Batugade.
Responsavel Médiku ba Pontu Entrada Batugade, Zelia Vivela, hateten konstrusaun kuarentena obrigatóriu ne’e ramata ona tanba ne’e, nia parte hahú hatama ona fasilidade hanesan kolxaun, kadeira no fasilidade seluk tan.
Notísia Relevante :MS Hahú Instala Kuartu 300 iha Kuarentena Batugade
“Ita hotu haree fatin kuarentena ne’e ita bele dehan atinje ona 80% tanba hein de’it hatama sasán prevensaun COVID-19 nian hanesan kolxaun, sumasu no kama maibé hela de’it kuartu balun maka seidauk prienxe espera katak semana ida prienxe hotu no semana oin mai ita bele uja ona,”dehan nia ba jornalista sira iha Batugade, tersa ne’e.
Tuir nia kuarentena obrigatóriu iha Batugade iha kuartu hamutuk 35, kuartu 30 kompleta ona fasilidade hanesan kama, meja, kadeira noa seluk tan, maibé kuartu lima seidauk kompleta.
Notísia Relevante :Konstrusaun Kuarentena Batugade Seidauk Remata
“Atendimentu iha fronteira ne’e depois Estadu Emerjénsia loke kada kuarta, loke dala ida no agora daudaun ne’e ami atende pasajeiru sira tama no sasán sira ne’ebé importa husi Indonézia tama Mai Timor-Leste ne’e,”katak nia.
Nia hateten daudaun ne’e sira enfreta problema hanesan falta kadeira no meja hodi atende movimentu sidadaun sira-nian iha fronteira terrestre.
Jornalista : Felicidade Ximenes
Editór : Agapito dos Santos
